ლოს-ანჯელესში ოსკარის რიგით 92-ე დაჯილდოების ცერემონია გაიმართა

49

10 თებერვალს, ლოს-ანჯელესში, დოლბის თეატრში შედგა ოსკარების 92-ე დაჯილდოების ცერემონია. ამერიკის კინოაკადემიამ სულ 24 ნომინაციაში გამოავლინა გამარჯვებულები.

წლის ფილმის კატეგორიაში ტრიუმფატორი ბონგ ჯუნ ჰოს, სამხრეთ კორეულმა ფილმმა „პარაზიტმა“ გაიმარჯვა. ამავე ფილმის რეჟისორმა კი ჯილდო წლის რეჟისორის ნომინაციაში მოიპოვა. ბონგ ჯუნ ჰომ ჯილდო მიიღო ასევე წლის ორიგინალური სცენარისთვისაც. „პარაზიტმა“ გაიმარჯვა წლის უცხოენოვანი ფილმის ნომინაციაშიც.

საუკეთესო ფილმებში დასახელდა:

Ford v Ferrari
The Irishman
Jojo Rabbit
Joker
Little Women
Marriage Story
1917
Once Upon a Time in Hollywood
Parasite (გამარჯვებული)
წლის მსახიობების კატეგორიაში მამაკაცებს შორის „ოსკარი“ ჰოაკინ ფენიქსმა ფილმში „ჯოკერი“ შესრულებული როლისთვის მიიღო, ხოლო ქალებს შორის რენე ზელვეგერმა ფილმისთვის „ჯუდი“.

მთავარი როლის შემსრულებელი მსახიობი კაცი:

ანტონიო ბანდერასი, Pain and Glory
ლეონარდო დიკაპრიო, Once Upon a Time in Hollywood
ადამ დრაივერი, Marriage Story
ხოაკინ ფენიქსი, Joker (გამარჯვებული)
ჯონათან პრაისი, The Two Popes

მთავარი როლის შემსრულებელი მსახიობი ქალი:

სინტია ერივო, Harriet
სკარლეტ იოჰანსონი, Marriage Story
სირშა რონანი, Little Women
შარლიზ ტერონი, Bombshell
რენე ზელვეგერი, Judy (გამარჯვებული)

საუკეთესო ადაპტირებული სცენარისთვის ჯილდო ერგო ტაიკა უაიტიტის, ფილმისთვის „კურდღელი ჯოჯო“, საუკეთესო ანიმაციური ფილმი გახდა – Toy Story 4, საუკეთესო მოკლემეტრაჟიანი ანიმაციური ფილმი – „თმის სიყვარული“ (Hair Love), საუკეთესო დოკუმენტური ფილმი – „ამერიკული ქარხანა“, კოსტიუმების საუკეთესო დიზაინი „პატარა ქალები“.

საუკეთესო მუსიკალური გაფორმებისთვის ჯილდო ერგო „ჯოკერის“ კომპოზიტორს ჰილდურ გუანადოტირს, ხოლო წლის საუნდტრეკის ჯილდო მიიღო ელტონ ჯონის სიმღერამ “(I’m Gonna) Love Me Again – ფილმიდან Rocketman.

ავტორი
თეო იორდანიშვილი

კომენტარები