ანტისაოკუპაციო მოძრაობა ,,ძალა ერთობაშიას” დამფუძნებელი, დავით ქაცარავა კლინიკიდან კომენტარს აკეთებს მის მიმართ განხორციელებული ფიზიკური ანგარიშსწორების ფაქტთან დაკავშირებით:
,,დაახლოებით 30-40 წუთის განმავლობაში 4-ჯერ მცემეს – უმოწყალოდ და გამეტებით, სპეცრაზმელებმა.
მათ სპეციალური ხელთათმანები ეკეთათ, რომელზეც კასტეტის მაგვარი გამონაზარდები არის და რომელიც, ფაქტიურად, კასტეტის ფუნქციას ატარებს. ასეთი დარტყმებით და ხელთათმანებით ხდებოდა ჩემი ეგზერკუცია.
გადაიღეს სურათები და თავის დამკვეთებს გადაუგზავნეს.
ვფიქრობ, რომ მათი, ასე ვთქვათ,კერძო ინიციატივა არ იყო, ამაში ღრმად ვარ დარწმყნებული. ეს იყო შეკვეთილი ეგზერკუცია.
რაც შეეხება თვითონ ოპერაციას – თვალბუდის ძვალი არის ჩამტვრეული, ასევე, დამტვრეულია ზედა ყბა, სერიოზული ჰემატომები მაქვს თავზე, საკმაოდ მძიმე ფორმის ტვინის შერყევა, ოპერაცია ჩატარდა და ჩამიდგეს პლასტინა”, – განაცხადა დავით ქაცავარამ.
ავტორი
ნინი ხიჯაკაძე
