„დღეს საქართველო არის ერთიანი. ამ შენობის გარეთ ახლაც ათასობით ადამიანი დგას და მათ მინდა მადლობა ვუთხრა“, – განაცხადა პარლამენტის წევრმა გიორგი ვაშაძემ პლენარულ სხდომაზე, სადაც დეპუტატები პოლიტიკური განცხადებებით გამოდიან.
გიორგი ვაშაძის თმით, ის მადლობელია ყველა იმ ახალგაზრდის, რომელიც ქვეყნის ეროვნულ ინტერესებს ღირსეულად იცავს.
„თქვენ ხართ იმედი, თქვენ ხართ საქართველოს მომავალი, თქვენ ხართ ის ღირსება, რომელსაც დღეს მთელი მსოფლიო ხედავს. მსოფლიო აღფრთოვანებულია იმ საოცარი ენერგიით, რომელსაც ყველა თაობის ადამიანი დღეს საქართველოში აჩვენებს. ეს ისმის ყველა ევროპულ დედაქალაქში, ისმის ამერიკის შეერთებულ შტატებში, ყველა მხარს უჭერს ჩვენ ქართველ ხალხს“, – აღნიშნა გიორგი ვაშაძემ და საპარლამენტო უმრავლესობას მიმართა:
„როდემდე აპირებთ, რომ არ მოუსმინოთ ხალხს?
დაფიქრდით, უბრალოდ, ნუთუ დარჩა ვინმე ამ ქვეყანაში, ვინც კიდევ უნდა გითხრათ, რომ მოეგოთ გონს“, – განაცხადა გიორგი ვაშაძემ.
ინფორმაციას პარლამენტის ინფორმაციას პარლამენტის საზოგადოებასთან ურთიერთობისა და ინფორმაციის დეპარტამენტი ავრცელებს ავრცელებს
