“ხელისუფლება უკვე სრულიად გაკოტრებული და შესაბამისად სასტიკად დამარცხებულია” – გია ხუხაშვილი

ანალიტიკოსი გია ხუხაშვილი ქვეყანაში შექმნილ რეალობასთან დაკავშირებით კონკრეტულ პოზიციას აფიქსირებს:

“ხელისუფლება უკვე სრულიად გაკოტრებული და შესაბამისად სასტიკად დამარცხებულია. ისტორიამ უკეთესი, ევროპული მომავლის სახელით მას უკვე გამოუტანა განაჩენი.

ამასთანავე, უნდა გვესმოდეს, რომ ის თავს გრძნობს გალიაში გამოკეტილი, მშიერი და დამფრთხალი მხეცივით, რომელიც გააფთრებით ეძებს საკბილოს.

არ უნდა შევიდეთ მის გალიაში, მშვიდად უნდა ვაცადოთ, რომ საკუთარი სხეულის ჭამა თვითონ დაიწყოს.

გამარჯვების გაფორმების ფორმულა ახლა მშვიდობიან, მაგრამ შეუპოვარ და პრინციპულ პროტესტში, თუ გნებავთ სისტემურ დაუმორჩილებლობაშია.

პოლიციელს უნდა ახსოვდეს, რომ მის მიერ მოქნეული ხელი საქართველოს უკეთეს მომავალს მოხვდება და სულ მალე დადგება დრო, როდესაც საკუთარ შვილებს თვალს ვეღარ გაუსწორებს…“, – წერს ფეისბუქის პირად გვერდზე გია ხუხაშვილი.