“იმუქრებიან, რომ იციან სად ვცხოვრობ და თუ არ გავჩერდები მეტად უარეს დამართებენ ვიდრე სხვებს”, – ამის შესახებ აქტივისტმა და “სტრატეგია აღმაშენებლის” ახალგაზრდული ფრთის წევრმა ამიკო ნატრიაშვილმა განაცხადა.
როგორც ნატრიაშვილი სოციალურ ქსელში წერს, მას რამდენიმე დღეა ავტომობილი დაყვება და გარდა ამისა ყოველდღიურად მუქარის შემცველი ზარები მისი და მისი ოჯახის წევრების ტელეფონზე ხორციელდება:
“ბოლო დღეების განმავლობაში ერთიდაიგივე ტიპის ავტომობილი მე და ჩემს მეგობრებს გვითვალთვალებს ყველგან, სადაც გადავადგილდებით, პარალელურად არ წყდება ზარები უცხოური ნომრებიდან.
იმუქრებიან, რომ იციან სად ვცხოვრობ და თუ არ გავჩერდები მეტად უარეს დამმართებენ ვიდრე სხვებს.
რეკავენ ოჯახის წევრების ნომრებზეც, მათ შორის, ბავშვების და ქალების დაშინებასაც არ ერიდებიან. ჩემი დის სახელზე რეგისტრირებულ ნომერზე დარეკეს, რა დროსაც ტელეფონი ბავშვს ჰქონდა და არ ვაპასუხებინე.
ერთად ვართ ვერ მოგვერევით!” – წერს ამიკო ნატრიაშვილი სოციალურ ქსელში.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
