საპარლამენტო უმრავლესობამ უქმე დღეს, 10 მაისს დილის 9 საათზე იურიდიულ საკითხთა კომიტეტის სხდომა ჩანიშნა, რაზეც განმარტებები გააკეთა კომიტეტის თავმჯდომარე, ანრი ოხანაშვილმა. თემასთან დაკავშირებით პოლიტიკური შეფასებები გააკეთა პარტია ,,გირჩის” ლიდერმა, დეპუტატმა. იაგო ხვიჩიამ:
,,ქოცების” გამოცხადებული უქმე, უქმე არ არის. უქმე არის იმდენად რამდენადაც ცდილობენ, რომ ახალგაზრდების პროტესტი შეაფერხონ.
,,ქართული ოცნება” თავისი არასწორი სტრატეგიული გადაწყვეტილების მძევალია. მათ, ფაქტობრივად, დასაყრდენი, საძირკველი ქართველ ხალხში ჩამოეშალათ.
შესაბამისად, ახლა ნებისმიერი ფაფხური უბრალოდ ნიშნავს იმას, რომ ისინი ხელისუფლების გადაბარების პროცესს აფერხებენ – ამაში ჯიუტდებიან, თორემ ქართველმა ხალხმა უკვე გამოიტანა, ჩემი აზრით, ხელისუფლების ცვლილების გადაწყვეტილება”, – განაცხადა იაგო ხვიჩიამ.
ავტორი
ნინი ხიჯაკაძე
