იურიდიულ საკითხთა კომიტეტის თავმჯდომარე ანრი ოხანაშვილი საკანონმდებლო ორგანოში კანონპროექტების განხილვის კონკრეტულ გეგმაზე საუბრობს, კერძოდ, მისი თქმით, 10 მაისს პარლამენტში განხილული იქნება მხოლოდ ევროკავშირის 9 პუნქტთან დაკავშირებით მომზადებული საკანონმდებლო ცვლილებები და პრინციპულად აცხადებს, რომ “გამჭვირვალობის კანონპროექტს კი განვიხილავთ ორშაბათს, 13 მაისს“:
“პარასკევს, 10 მაისს, ვაგრძელებთ მუშაობას იმ საკანონმდებლო ცვლილებებზე, რომლებიც გამომდინარეობს ევროკომისიის მიერ ჩვენი ქვეყნის ევროკავშირში გაწევრიანებისთვის განსაზღვრული 9 პუნქტიდან 🇬🇪🇪🇺
ამიტომ, კომიტეტის სხდომაზე განიხილება მხოლოდ ევროკავშირის 9 პუნქტთან დაკავშირებით მომზადებული საკანონმდებლო ცვლილებები მე-2 მოსმენით.
გამჭვირვალობის კანონპროექტს კი განვიხილავთ ორშაბათს, 13 მაისს.
ბრწყინვალე შვიდეულში მაინც მოერიდეთ სიცრუის გავრცელებას.
ქრისტე აღდგა! კიდევ ერთხელ გილოცავთ ყველას აღდგომის ბრწყინვალე დღესასწაულს!“, – წერს ფეისბუქის საკუთარ გვერდზე ანრი ოხანაშვილი.