იაფფასიანი მატყუარაა ეგ კაცი და მხოლოდ პირადი ადარდებს – თამარ ჩერგოლეიშვილი

266

ინტერნეტგამოცემა “ტაბულას” მთავარი რედაქტორი, თამარ ჩერგოლეიშვილი მიხეილ სააკაშვილის მიერ დაფიქსირებულ პოზიციაზე საუბრობს, როცა განაცხადა, რომ “ჩემი ამოცანა არ არის პირადი ამბიციის დაკმაყოფილება” და საკმაოდ მწვავე, უკომპრომისო პოზიცია-შეფასებებს აფიქსირებს საქართველოს მე-3 პრეზიდენტის მიმართ:

2016 წელს, არჩევნებამდე 10 დღით ადრე, მელიამ თქვა მიშა პრემიერი არ იქნებაო და ისტერიკა გამართა, თუ არ უარყოფთ მაგ განცხადებას, რუსთავი ორზე გამოვალ და ვიტყვი რომ მოღალატეები ხართო.

ხალხი ციხეში გვილპებოდა და ეს, სასტუმრო ფერმონტში წამოგორებული, იმ სკამზე ჭიდაობდა, რომელიც არ გააჩნდა.

იაფფასიანი მატყუარაა ეგ კაცი და მხოლოდ პირადი ადარდებს – სხვა არაფერი. ამიტომაა ამ მდგომარეობაში,” – წერს ფეისბუკის პირად გვერდზე თამარ ჩერგოლეიშვილი.

თუმცა ჩერგოლეიშვილი ამით არ შემოფარგლულა და იმავე გვერდზე 2 საათით ადრე არანაკლებ მძიმე პოსტი გამოაქვეყნა სააკაშვილის მიერ გაჟღერებული ინიციატივის საპასუხოდ:

ცენტრალური როლი მინდაო მიშამ და ჩემთან იარეთ ბიბლიოთეკაშიო, ფაფხურობს.

როგორი მოწყვეტილია რეალობას – აქედანაც ჩანს.

დღეს მთელი პროცესის ბედი დასავლეთის ზეწოლაზე და ოპოზიციის კონსოლიდაციაზე კიდია.

დასავლეთისთვის მიშა კეთროვანია – თითს არავინ გაანძრევს ჩვენს ხელშესაწყობად, თუ ცენტრალური როლი მიშასია.

ოპოზიციის მნიშვნელოვანი ნაწილისთვის – კეთროვანია. (ოპოზიციური ხმების მესამედია ენმ-ის მხოლოდ).

ენმ-ისთვისაც კი წამგებიანია მისი აყოლა, არათუ სხვა ოპოზიციური პარტიებისთვის“.

კომენტარები