ისანში, დოდაშვილის ქუჩაზე, ურთიერთშელაპარაკების ნიადაგზე მკვლელობა მოხდა. მეზობლებს შორის კონფლიქტი მთელი წლის მანძილზე გრძელდებოდა, რაც საბოლოოდ მსხვერპლით დასრულდა. დაზარალებულს ცეცხლსასროლი იარაღით მრავლობითი ჭრილობა ჰქონდა მიყენებული და ადგილზე გარდაიცვალა.
ადგილობრივი მოსახლეობის თქმით, მიზეზი შესაძლოა გამხდარიყო ის, რომ ბრალდებულის ტერიტორიაზე უკანონოდ გადმოვიდა პაკისტანის მოქალაქე, რასაც შემდეგ მოჰყვა უთანხმოება და დაპირსპირება.
მოგვიანებით კომენტარი გააკეთა გარდაცვლილი პირის ოჯახის წევრმა:
“ჩვენ დავხარჯეთ ბევრი ფული, რომ საქართველოში დავრჩენილიყავით. კარგი ქვეყანაა, მაგრამ ცუდი ხალხი ცხოვრობს. პოლიციას და მერიას თითქმის 100-ჯერ დავურეკეთ და ვთხოვეთ ტერიტორიული პრობლემის მოგვარება, მაგრამ არცერთხელ არ მოსულან. ადრე ჩემს სიძეს დაარტყა, ახლა კი მოკლა. ჩემი ქალიშვილი შოკშია, არ ვიცით სად უნდა წავიდეთ. გუშინ ღამით ჩვენი ღობე და კამერები დაამტვრია, დღეს კი იარაღი მოიტანა მის მოსაკლავად. დღეს დილით როცა მოვედით სახლში შემოსვლას ცდილობდა, მაგრამ ჩემმა სიძემ ამის უფლება არ მისცა, მან ჯერ ჰაერში გაისროლა, შემდეგ კი 3-ჯერ ესროლა მას” – განაცხადა გარდაცვლილის სიმამრმა ჟურნალისტებითან საუბრისას.
დამნაშავე საპატრულო პოლიციაშია გადაყვანილი და მიმდინარეობს მისი დაკითხვა.
საქმე სისხლის სამართლის კოდექსის 108-ე და 236-ე მუხლებით არის დაწყებული, რაც განზრახ მკვლელობას და იარაღის უკანონო შეძენა-შენახვას გულისხმობს. აღნიშნული დანაშაული 7-დან – 15-წლამდე ვადით თავისუფლების აღკვეთას ითვალისწინებს.
ავტორი
თეო იორდანიშვილი