ოთხშაბათი, მაისი 22, 2024

ალეკო ელისაშვილი: “მიუხედავად დაზიანებებისა მხნედ და შეუპოვრად ვარ” – ალეკო ელისაშვილი

პარტია ,,მოქალაქეების” ლიდერი, ალეკო ელისაშვილი ჟურნალისტებთან კომენტარს აკეთებს საპროტესტო აქციის დროს მისი დაკავების ფაქტთან დაკავშირებით, რა დროსაც მძიმე ფიზიკური დაზიანებები მიიღო:

,,მიუხედავად დაზიანებებისა, მიუხედავად იმისა, რომ ნეკნი მაქვს ჩამტვრეული და სახეზეც მეტყობა ანჯელინა ჯოლის ჩინური ვერსია რომ ვარ, ისე მაქვს ტუჩები დაბერილი, მხნედ და შეუპოვრად ვარ.

მიუხედავად იმისა, რომ ჩემი პირადი რეკორდი მოვხსენი – 3 დღეში 2-ჯერ გავილახე, მაგრამ შემართება მაქვს იმაზე უფრო მეტი, ვიდრე მქონდა.

რამდენიმე პოლიციელი იყო ძალიან აგრესიული, იმ ძიძგილაობის დროს. განსაკუთრებული, პერსონალური აგრესიით გამოირჩეოდა ჩემდამი ვაჟა სირაძე, რომლის პირადი მითითებითაც, რამდენიმე წუთში, რაც დაიძახა, რომ ,,შეათრიეთო”, შემისრუტეს წამის რამდენიმე მეასედში, ძირს ვეგდე კანცელარიის წინ, პირდაპირ პოლიციელების კორდონის ქვემოთ. ვისაც არ ეზარებოდა მუხლებს და წიხლებს მირტყამდა.

როგორც ჩანს ის მუშტი სხვებმაც იგრძნეს თავის სახეზე და გადაწყვიტეს, რომ მდინარაძის მაგივრად პასუხი გაეცათ. სხვანაირად ასეთი აგრესია არ უნდა წამოსულიყო.

სახეზე ვცნობ ყველა პოლიციელს, ვინც იყო ვაჟა სირაძის გარშემო და ვაჟა სირაძე იყო მთავარი. მნიშვნელოვანია, რომ ეს საზიზღარი, რუსული კანონი არ გავატანინოთ”, – განაცხადა ალეკო ელისაშვილმა.

ავტორი
ნინი ხიჯაკაძე

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული