პარასკევი, მარტი 14, 2025
16.8 C
Tbilisi
spot_img
მთავარირეგულაციები და წესებიმშენებლობაზე უსაფრთხოების წესების დარღვევამ კიდევ ერთი მუშის სიცოცხლე...

მშენებლობაზე უსაფრთხოების წესების დარღვევამ კიდევ ერთი მუშის სიცოცხლე შეიწირა

თბილისში, ზესტაფონის ქუჩაზე მიმდინარე მშენებლობიდან, საფასადე სამუშაოების შესრულებისას კორპურიდან ორი მუშა გადმოვარდა. ერთი მათგანი ადგილზევე გარდაიცვალა, მეორე კი მრავლობითი დაზიანებებით საავადმყოფოში გადაიყვანეს. მედიკოსების ინფორმაციით, დაშავებული პირის ჯანმრთელობის მდგომარეობა მძიმეა.

პაციენტი კლინიკაში შემოყვანილია ფორსმაჟორულ სიტუაციაში, 26 წლის მამაკაცს სხეულის მრავლობითი დაზიანებები აღენიშნება, როგორიცაა ქალა ტვინის ტრამვა, სუბარახნოიდული სისხლჩაქცევა, თავის ტვინის  შეშუპეპა, მარჯვენამხრივი პნევმოთორაქსი, რომელიც უკვე დადრენაჟებულია. ასევე არის შოკური მდგომარეობა, სამქულიანი კომა.

ამ ეტპისთვის პაციენტი არის რეამინაციულ განყოფილებაში და შედარებითი სტაბილიზაციის პირობებში, შემდგომში უკვე იგეგმება ტრამვატოლოგიური ჩარევა. რაიმე პროგნოზის გაკეთება ამ ეტაპისათვის შეუძლებელია. მდგომარეობა ამ მომენტში უმძიმესია, კრიტიკულია მისი მიმდინარეობა და სასიცოცხლო პარამეტრების სტაბილიზაცია“, – აცხადებს ანეზთეზიოლოგ-რეანიმატოლოგი, ხათუნა ხუფენია.

უბედური შემთხვევიდან გამომდინარე მომხდარზე მოკვლევა უკვე დაწყებულია. ჯანდაცვის სამინისტროს შრომის ინსპექციის დეპარტამენტის გადაწყვეტილებით უსაფრთხოების არაერთი კრიტიკული დარღვევის გამო მშენებლობა შეაჩერეს.

მინდა მწუხარება გამოვთქვა ამ ფაქტის გამო. შრომის ინსპექციამ დაიწყო მოკვლევის პროცედურები. ჩვენი თანამშრომლები ადგილზე იმყოფებიან. ამ წუთის მდგომარეობით, მივიღეთ გადაწყვეტილება, რომ შევაჩეროთ სამუშაო პროცესი შრომის უსაფრთხოების კრიტიკული დარღვევების გამო. კერძოდ, სიმაღლეზე სამუშაოების დროს მასალის ატანა ხორციელდებოდა კუსტარულად დამზადებული მექანიზმის გამოყენებით, რომელიც შეუსაბამოა კანონმდებლობასთან. მოკვლევის პროცედურები მიმდინარეობს.

მთელი ქვეყნის მასშტაბით არსებობს უამრავი სამშენებლო კომპანია და როგორც იცით, შრომის უსაფრთხოების კანონი ვრცელდება ეკონომიკური საქმიანობის ყველა სექტორზე. შესაბამისად, ვალდებულება აქვს ყველა კომპანიას და მათ თავად უნდა უზრუნველყონ უსაფრთხოების სდანდარტის დაცვა. სახელმწიფო ამ შემთხვევაში უზრუნველყოფს შერჩევითი კონტროლით გარკვეულ ზედამხედველობას.

ბუნებრივია, კომპანიას ვალდებულება ჰქონდა, რომ დაეცვათ შრომის უსაფრთხოება, დაენიშნათ უსაფრხოების სპეციალისტი. ამას არკვევს გამოძიება. უახლოეს პერიოდში გვექნება მეტი კომენტარის გაკეთების შესაძლებლობა,” – განაცხადა ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტის უფროსმა ბექა ფერაძემ.

მომხდარზე გამოძიება სსკ-ის 240-ე მუხლის მეორე ნაწილით მიმდინარეობს, რაც უსაფრთხოების წესის დარღვევას სამთო, სამშენებლო ან სხვა სამუშაოს წარმოებისას გულისხმობს, რამაც ჯანმრთელობის ნაკლებად მძიმე ან მძიმე დაზიანება გამოიწვია.

ავტორი
თამთა ასლანიშვილი

კომენტარები - დატოვეთ თქვენი მოსაზრება
spot_img

მსგავსი სტატიები

“ყოველგვარი წინაპირობის, ანგარიშის და მონიტორინგის გარეშე მივიღეთ სრული აკრედიტაცია” – ნინო დობორჯგინიძე

ილიას სახელმწიფო უნივერსიტეტის რექტორი, ნინო დობორჯგინიძე კომენტარს აკეთებს ილიაუნისთვის...

“ილიაუნმა და განსაკუთრებით მისმა რექტორმა გუშინ ქართულ საზოგადოებას დაუმტკიცა, რომ ყოველთვის აქვს ბრძოლას მნიშვნელობა”...

სამართლიანობის აღსადგენად და ილიას სახელმწიფო უნივერსიტეტისთვის სრული ავტორიზაციის მინიჭებისთვის...

spot_img

"პარალელის" გამოკითხვა

დღის პოპულარული

“მადლობა ყველას, ახლა მხოლოდ ერთობა და სოლიდარობა გადაგვარჩენს!❤️” – თემურ ჯანაშია

სახელმწიფო დაცვის სპეციალური სამსახურის ყოფილი უფროსი, პარლამენტის ყოფილი დეპუტატი...

“ბიძინა ვადამდელ არჩევნებს მხოლოდ იმ შემთხვევაში დანიშნავს, თუ…” – არჩილ გამზარდია

ანალიტიკოსი, ჟურნალისტი არჩილ გამზარდია თავის მოსაზრებებს გამოთქვამს საქართველოში ახალი...

“თურმე 2 კვირაა ივანიშვილი გდევნის, გითვალთვალებს და გარბიხარ ქვეყნიდან და მაინც “ნაციონალურ მოძრაობაზე” საუბრობ...

,,ერთიანობა - ნაციონალური მოძრაობის” პოლიტიკური საბჭოს თავმჯდომარე, ლევან ხაბეიშვილი...