საქართველოს საგარეო საქმეთა მინისტრ დავით ზალკალიანისა და სენატის საგარეო ურთიერთობათა კომიტეტის თავმჯდომარის, ჯინ შაჰინის შეხვედრისას სენატორმა პრემიერ-მინისტრ გახარიას და საქართველოს მთავრობას მოუწოდა საკუთარი ვალდებულებების სწრაფად შესრულებისა და საარჩევნო სისტემის უზრუნველყოფისთვის დაპირებული ნაბიჯების გადადგმისკენ. სენატორის ამ განცხადებას „ახალი საქართველოს“ თავმჯდომარე გიორგი ვაშაძე ეხმაურება და თვლის, რომ ერთპარტიული სისტემა ქვეყანაში უნდა დაინგრეს:
„მშვიდობიანი პროტესტი გრძელდება, ძალიან დიდი მხარდაჭერა გვაქვს როგორც საზოგადოების, ასევე საერთაშორისო ორგანიზაციებისა და ჩვენი მეგობარი ქვეყნების მხრიდან.
ჩავიდა დავით ზალკალიანი ამერიკაში, ვითომ თავისი ჭკუით სენატორებს რაღაც აუხსენეს და უფრო მკაცრი შეფასებები მიიღეს, რომ ისინი დემოკრატიის ხელყოფის შესაძლებლობას „ქართულ ოცნებას“ არ მისცემენ.
რატომ გვაქვს ასეთი მხარდაჭერა? ოპოზიცია ერთიანია და იმიტომ, ახალგაზრდები აქტიურად არიან ჩართულები. ყველა ხვდება, რომ სიმართლე არის ჩვენს მხარეს და დადგა დრო ერთპარტიული სისტემა დავანგრიოთ ქვეყანაში. სწორედ „ქართული ოცნებაა“ სახელი იმ გაჭირვების, უმუშევრობისა და უზარამაზარი პრობლემების რომელიც ქვეყანაშია“, – განაცხადა გიორგი ვაშაძემ.