თბილისში მომხდარი აფეთქების შესახებ პირველად ინფორმაციას ავრცელებს შინაგან საქმეთა სამინისტრო:
“თბილისში, ბოჭორმის ქუჩა N12-ში მაღაზია “ბეთლგრაუნდი”-ის სასროლეთში მომხდარი აფეთქების შედეგად ამ ეტაპზე არსებული ინფორმაციით გარდაცვლილია 2 და დაშავებულია 4 მოქალაქე, რომლებიც სასწრაფო-სამედიცინო დახმარების ჯგუფების მიერ სხვადასხვა საავადმყოფოში არიან გადაყვანილი.
შეტყობინების მიღებისთანავე, ადგილზე გამოცხადდნენ შინაგან საქმეთა სამინისტროს შესაბამისი დანაყოფების თანამშრომლები, მათ შორის მეხანძრე-მაშველები, საპატრულო პოლიციისა და კრიმინალური პოლიციის წარმომადგენლები.
ამ დროისთვის ტარდება ყველა საჭირო ღონისძიება“, – ნათქვამია გავრცელებულ განცხადებაში.
P.S. სამწუხაროდ, კიდევ ერთი პიროვნება გარდაიცვალა, მომხდარი ტრაგიკული ფაქტის გამო.
