„ძალიან დაბალი ანაზღაურებებია ჯანდაცვის სისტემაში, როგორც ექიმებისთვის ასევე ექთნებისთვისაც და ეს ძალიან მნიშვნელოვანი პრობლემაა“, – ამის შესახებ პროფესორმა და ექიმმა მანანა ჯებაშვილმა „გამარჯვების კოალიციის“ წარმომადგენლებთან შეხვედრისას ისაუბრა.
ჯებაშვილის თქმით დაბალი ანაზღაურებები სერიოზულ პრობლემებს ქმნის სამედიცინო სექტორში, რაც შემდეგ მკურნალობის ხარისხზეც ისახება:
„დღეს შევხვდით სამედიცინო საზოგადოებას, სადაც ყველამ ერთხმად აღნიშნა ის პრობლემა, რაც ხელფასებთანაა დაკავშირებით. ძალიან დაბალი ანაზღაურებებია ჯანდაცვის სისტემაში, როგორც ექიმებისთვის ასევე ექთნებისთვისაც და ეს ძალიან მნიშვნელოვანი პრობლემაა, რადგან ექთნების დაბალი ხელფასები ძალიან ამწვავებს მდგომარეობას. ამის გამო დღეს არის შექმნილი ექთნების დეფიციტი.
გარდა ამისა არ გაამართლა „დიარჯის“ სისტემამ და ესეც ძალიან მწვავედ აისახა მკურნალობის ხარისხზე. ამასთან ქვეყანაში არ არის განვითარებული არც პირველადი ჯანდაცვა, არც საზოგადოებრივი ჯანდაცვა, რაც ასევე ძალიან მნიშვნელოვანია.
მოგეხსენებათ, რომ დასავლეთის ქვეყნებში პირველადი და საზოგადოებრივი ჯანდაცვის ხარჯზე განახევრებულია დაავადებიანობა და სიკვდილიანობა. ეს არის ის ძირითადი პრობლემები რაც დღეს სამედიცინო სექტორშია“, – განაცხადა ჯებაშვილმა.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
