,,გამარჯვების კოალიციის” ერთ-ერთი ლიდერი, ,,სტრატეგია აღმაშენებლის” თავმჯდომარე, გიორგი ვაშაძე ჟურნალისტებთან კომენტარს აკეთებს სასამართლო სისტემის დამოუკიდებლობის საკითხთან დაკავშირებით ქუჩებში გამოთქმულ პროტესტზე, სადაც აქტივისტებმა სტენსილებზე სხვადასხვა ფრაზები დაწერეს:
,,ევროკავშირი ჩვენ გვეუბნება – ,,გინდათ ევროკავშირი? გინდათ, რომ იყოთ ევროპული ტიპის სახელმწიფო? – მაშინ მიხედეთ სასამართლო სისტემას!”
აქეთ გვყავს ივანიშვილის პარტია, რომელიც ჩაბღაუჭებულია კლანს და ამბობს: ,,არა, ჩვენთვის უფრო მნიშვნელოვანია ჩვენი ინტერესების დამცველი მოსამართლეები, ვიდრე ევროკავშირში გაწევრიანება”.
ამიტომ, აბსოლუტურად სამართლიანია! მივესალმები ნებისმიერ მსგავს, ასე ვთქვათ – პროტესტს”, – განაცხადა გიორგი ვაშაძემ.
ინფორმაციისთვის: ,,ჩვენ გვყავს ყველაზე მდიდარი მოსამართლეები არა გონებით, არამედ ქონებით”; ,,იძებნება სამართალი!”; ,,მურუსიძის ჩახოხბილი ვჭამოთ?” – ამ და სხვა შინაარსის წარწერები გავრცელდა დედაქალაქის ქუჩები.
ავტორი
ნინი ხიჯაკაძე
