საქართველოს ნაკრების გამარჯვებას პოლიტ-ანალიტიკურ ჭრილში განიხილავს ანალიტიკოსი ხათუნა ლაგაზიძე:
“რამ გაგვამარჯვებინა:
1. ფსიქოლოგიურმა მედეგობამ – საოცარ წნეხს გაუძლეს ბიჭებმა, განსაკუთრებით პენალტების სერიაში მონაწილეებმა!;
2. ბრძოლის და გამარჯვების ჟინმა და ამისთვის ბოლომდე დახარჯვამ;
3. გუნდურობამ, როცა საერთო-საქვეყნო საქმეს პირადზე მაღლა აყენებ – ის, რაც გვაკლდა და რაც სახელმწიფოებრივ ერად შედგომისთვის აუცილებელია!
ასე რომ, ძალიან თვალსაჩინო მაგალითი დადეს ბიჭებმა: რა გვჭირდება გამარჯვებისთვის!
და რაც მთავარია, ხედვამ და რწმენამ: მოედანზე გამარჯვებაზე დიდი გამარჯვება იყო, ის რაც ამ მართლაც ოქროს ბიჭებისგან რესპუბლიკის მოედანზე მოვისმინეთ – რომ აფხაზეთი და სამაჩაბლო – საქართველოა; რომ საით მივდივართ – ევროპისკენ! და რომ გამარჯვებული საქართველოს ჰიმნი აუცილებლად სამღერი იყო, თუნდაც ფონოგრამის გარეშე, გულიდან წამოსული, ნაღდი და ალალი!
ამ ბიჭებს აქვთ ხედვა: ევროპული, ერთიანი, გამარჯვებული საქართველოს ხედვა და ამ ხედვისთვის, ასეთი საქართველოსთვის იბრძოდნენ და არა – თამაშობდნენ, გუშინ ისინი მოედანზე! ამიტომაც გაიმარჯვეს!
და არც ის არის შემთხვევითი, რომ სწორედ იმ საბერძნეთმა გაგვიღო ევროპული წარმატების კარი, რომელმაც ერთ დროს სწორედ სიბრძნის, წინასწარ ხედვის და წარმატების სიმბოლო წაიღო საქართველოდან, რაზეც ევროპული ცივილიზაცია დააშენა“, – წერს ფეისბუქის პირად გვერდზე ხათუნა ლაგაზიძე.