“ქალბატონო სალომე, თქვენ გაქვთ უფლებამოსილება, მოხსენით გრიფით “საიდუმლო” გერმანულ სამთავრობო ხარჯებზე და ეს ავტომატურად შეწყვეტს ამ პროცესს!” – მიხეილ სააკაშვილი

საქართველოს მე-3 პრეზიდენტმა, მიხეილ სააკაშვილმა, მისი სასამართლო პროცესის მიმდინარეობის დროს სიტყვით გამოსვლისას, საქართველოს პრეზიდენტ სალომე ზურაბიშვილს, კონკრეტული მინიშნებითა და შეთავაზებით, მიმართა:

,,ქალბატონ სალომე ზურაბიშვილს მინდა ვუთხრა – მას შემდეგ, რაც ასობით ათასმა ქართველმა შეაგროვა ხელმოწერა ჩემს გათავისუფლებაზე, ევროპარლამენტმა მიმართა და მრავალი სახელმწიფოს ხელმძღვანელმა, ის ამბობს, რომ ეს არის მორალური საკითხი. ქალბატონო სალომე, მორალური საკითხი არ არის, ასევე, ის, რომ მოიხსნას გრიფით ,,საიდუმლო” გერმანულ სამთავრობო ხარჯებზე. იმიტომ, რომ მე მასამართლებენ იმაზე, რასაც დღეს ყოველ დღე აკეთებს მთავრობა. თქვენ გაქვთ უფლებამოსილება, მოხსენით და ეს ავტომატურად შეწყვეტს ამ პროცესს!

უკრაინის დაზვერვამ გამოაქვეყნა და ის ეყრდნობა დასავლურ დაზვერვებს, რომ რუსეთი, თურმე, ჩემი გათავისუფლების საშუალებას არ აძლევს საქართველოს ხელისუფლებას.

მე მინდა ვუთხრა ყველას, არ გეხამუშებათ, რომ ამაში მონაწილეობთ, რომ რუსეთის ტყვის, შემდგომ დაკავებაში მონაწილეობთ?! ახლა ეს უკვე დადასტურებულია ოფიციალური ორგანოებისა და დაზვერვების დონეზე, რაც ისედაც ყველამ ვიცოდით!“, – განაცხადა მიხეილ სააკაშვილმა.

ავტორი
ნინი ხიჯაკაძე