“ვეტოს დაძლევას ალტერნატივა არ აქვს – ჩვენ ვერ დავტოვებთ ცესკოს ჩიხურ მდგომარეობაში” – ირაკლი კობახიძე

საქართველოს პრემიერ-მინისტრი, ირაკლი კობახიძე ჟურნალისტებთან კომენტარს აკეთებს პრეზიდენტ, სალომე ზურაბიშვილის მიერ ცესკოს კანონპროექტზე დადებული ვეტოს დაძლევის შესახებ:

„რაც შეეხება ცესკოს საკითხს, ძალიან მარტივადაა საქმე – დღეს არის შექმნილი ერთგვარი ჩიხი ცესკოში იმიტომ, რომ წელიწად ნახევრის წინ არიან 6 თვის ვადით არჩეული ცესკოს მოქმედი თავმდჯომარე, ცესკოს 2 წევრი – ეს არის ერთგვარი ჩიხური მდგომარეობა. ის კანონპროექტი, რომელიც მიიღო პარლამენტმა თავის დროზე, მე, როგორც პარლამენტის წევრი, ჩართული ვიყავი ამ კანონპროექტის შემუშავებაში, ითვალისწინებს ჩიხიდან გამოსვლას.

ცესკო არ შეიძლება დარჩეს ჩიხში. სალომე ზურაბიშვილსა და რადიკალური ოპოზიციის სხვა წარმომადგენლებს უნდათ, რომ ცესკო დარჩეს ჩიხში. რა თქმა უნდა, საპარლამენტო უმრავლესობას ვერ ექნება ეს სურვილი. აქედან გამომდინარე, ვეტოს დაძლევას ალტერნატივა არ აქვს – ჩვენ ვერ დავტოვებთ ცესკოს ჩიხურ მდგომარეობაში. ეს აბსოლუტურად მიუღებელია!

იმისათვის, რომ შესრულდეს ევროკავშირის 9 პუნქტიდან ერთ-ერთი პუნქტი, რომელიც უკავშირდება საქართველოში თავისუფალი, სამართლიანი, გამართული არჩევნების ჩატარებას, აუცილებელია ამ ვეტოს დაძლევა. ამ ვეტოს დაძლევა ემსახურება ევროკავშირის 9 პუნქტიდან ერთ-ერთის შესრულებას’’, – განაცხადა ირაკლი კობახიძემ.

ავტორი
მარიამ ხაჩირაშვილი