საქართველოს მე-3 პრეზიდენტის, მიხეილ სააკაშვილის ინიციატივით შექმნილი ჰუმანიტარული მხარდაჭერის პროექტის ფარგლებში მორიგი შეხვედრა ბორჯომში გაიმართა. ჟურნალისტებთან კომენტარში, პროექტის კოორდინატორმა, თბილისის საკრებულოს ფრაქცია ,,ერთიანი ნაციონალური მოძრაობის” წევრმა, სოფო ჯაფარიძემ ისაუბრა ადამიანების მძიმე ყოფაზე:
,,ვიმყოფები ბორჯომში, ბაზარში. მოვისმინე ამ ადამიანების პრობლემები და წარმოუდგენელია, რა პრობლემების წინაშეც ისინი დღეს დგანან. მომატებული ფასები პროდუქტებზე, გაძვირებული საწვავი. ფაქტიურად, დაცარიელებულია ბაზარი. ვერ მოდიან, აქამდეც კი ვერ მოდიან ადამიანები, რომ საკვები შეიძინონ. უდიდესი პრობლემების წინაშე არიან დღეს ჩვენი მოქალაქეები.
ერთადერთი, რაც შემიძლია ვთქვა – დიახ, ამ ადამიანებს სჭირდებათ ჩვენი დახმარება!
უნდა დასრულდეს აი, ეს სიღარიბე, რა სიღარიბეშიც ეს ადამიანები ცხოვრობენ.
ეს ადამიანები იმსახურებენ ღირსეულ სამუშაო ადგილებს, ღირსეულ ანაზღაურებას, პენსიას“, – განაცხადა სოფო ჯაფარიძემ.
ავტორი
ნინი ხიჯაკაძე
