“მეგობრებო, ეს არის რეგიონი, სადაც ყოველი მეოთხე მოქალაქე იბრძვის თავის გადასარჩენად, პირდაპირი ამ სიტყვის მნიშვნელობით. დიახ დღეს 100 000 მახცხოვრებლიდან გურიაში 25 000 იღებს მიზერულ სოციალურ შემწეობას ან არის სოციალური პროგრამის მონაწილე”, – ამის შესახებ “სტრატეგია აღმაშენებლის” საგარეო მდივანმა სერგო ჩიხლაძემ განაცხადა.
როგორც ჩიხლაძე აღნიშნავს, დღეს ოჯახები გურიიდან იძულებულნი არიან ემიგრაციაში წავიდნენ მხოლოდ იმიტომ, რომ გამოკვებონ შვილები და მოხუცი მშობლები
“მეგობრებო, ეს ულამაზესი მხარე გურია დღეს არის ქვეყნის ერთ-ერთი უღარიბესი რეგიონი. მეგობრებო, ეს არის რეგიონი, სადაც ყოველი მეოთხე მოქალაქე იბრძვის თავის გადასარჩენად, პირდაპირი ამ სიტყვის მნიშვნელობით. დიახ დღეს 100 000 მახცხოვრებლიდან გურიაში 25 000 იღებს მიზერულ სოციალურ შემწეობას ან არის სოციალური პროგრამის მონაწილე. დიახ დღეს გურულები ებრძვიან სიღარიბეს, ფასების ზრდას, გაუსაძლის გადასახადებს, უმუშევრობას და უპერსპექტიობას.
მეგობრებო, დღეს ოჯახები გურიიდან იძულებულნი არიან ემიგრაციაში წავიდნენ მხოლოდ იმიტომ, რომ გამოკვებონ შვილები, მოხუცი მშობლები. გული დაგეწვება ყოველ ჯერზე, როცა გურიის სოფლებს გამოივლი და ნახავ ეკალ-ბარდებით გადავლილ ეზოებს, დაბოქლომებულ კარმიდამოებს, კარმიდამოებს სადაც წლებია უკვე არავინ ჩამოსულა. რა არის ამის მიზეზი? გაუსაძლისი ყოფა, გაორმაგებული ფასები, უმუშევრობა და უპესპექტიობა.
და რას აკეთებს ამ დროს ივანიშვილის მთავრობა ხალხისთვის? ამ კონკრეტული რეგიონისთვის? არაფერს. ისინი მხოლოდ საკუთარ თავზე და ოჯახებზე ზრუნავენ. ივანიშვილი და მისი მინისტრები მდიდრდებიან თქვენ ხარჯზე, ჩვენს ხარჯზე, უბრალო ადამიანების ხარჯზე. ივანიშვილმა და მისმა მინისტრებმა გურულების გაჭირვებაზე თვალი დახუჭეს დიდი ხანია.
მათ არ აინტერესებს როგორ გაჭირვებაშ ცხოვრობს აქ ადამიანი, მათ არ აინტერესებს, რომ ბევრი ბავშვი სკოლაში მშიერი დადის, მათ არ აინტერესებთ რომ ოჯახები ლანჩხუთში, ჩოხატაურში, ოზურგეთში ვერ უმკლავდებიან ამ გაორმაგებულ და გასამმაგებულ ფასებს, მათ არ აინტერესებთ და უბრალოდ არ უყვართ ადამიანები. ივანიშვილს და მის მინისტრებს მხოლოდ თავიანთი ფული უყვართ და არა ადამიანები. ივანიშვილს და მის მთავრობას მივმართავ, რა დაგიშავა გურიამ? რა დაგიშავეს გურულებმა? რა დაგიშავა ამ რეგიონმა, რომელიც დღეს ფაქტიურად დაცლილია.
დროა ივანიშვილმა და მისმა პარტიამ პასუხი აგოს ეკონომიკის დაქცევზე და იმ გაუსაძლისი პირობების შექმნაზე რამაც ქარველი კაცი უკიდურეს სიღარიბეში ჩააგდო და ბევრი მათგანი აიძულა ქვეყნიდან გადახვეწილიყო. ჩვენ უკეთესს ვიმსახურებთ. და ეს დროც დგება, ოქტომბერში ჩვენ ერთად, ერთიანობით და პრინციპულობით შევქმნით ამ ქვეყნის უკეთესს მომავალს”, – განაცხადა ჩიხლაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
