სამოყვარულო მუნიციპალური და კერძო თეატრალური დასების საქმიანობის ხელშესაწყობად კულტურის სამინისტრო კონკურსს აცხადებს

ინფორმაციისთვის: კონკურსი – სამოყვარულო/მუნიციპალური/კერძო თეატრალური დასების საქმიანობის ხელშეწყობა“ 2022 წლიდან ცხადდება. 2022 წლის საკონკურსო ბიუჯეტი იყო 70 000 ლარი, შემოსული საკონკურსო 23 განაცხადიდან დაფინანსდა სამი პროექტი; ხოლო 2023 წელს საკონკურსო ბიუჯეტი შეადგენდა 100 000 ლარს და შემოსული 14 საკონკურსო განაცხადიდან გაიმარჯვა ხუთმა პროექტმა.

კონკურსში მონაწილეობის უფლება აქვთ ფიზიკურ/იურიდიულ პირებს, რომლებსაც აქვთ შესაბამისი უფლებამოსილება წარმოადგინონ: მუნიციპალიტეტის მმართველობაში მოქმედი კულტურის სახლის თეატრალური დასი; სამოყვარულო თეატრალური დასი. კონკურსანტს შეუძლია მხოლოდ ერთი საპროექტო განაცხადის წარმოდგენა. კონკურსში უპირატესობა შესაძლოა მიენიჭოს კონკურსანტს, რომელიც გამოირჩევა სტაბილური და ნაყოფიერი შემოქმედებითი საქმიანობით.

საკონკურსო განაცხადები მიიღება 2024 წლის 7 მარტიდან 2024 წლის 18 მარტის 12:00 საათამდე სამინისტროში, მისამართზე: თბილისი სანაპიროს ქ. N4, მატერიალური სახით, ან სამინისტროს ოფიციალურ ელექტრონულ ფოსტაზე – info@culture.gov.ge, ელექტრონული დოკუმენტის სახით.

ინფორმაცია კონკურსში გამარჯვებული პროექტების შესახებ გამოქვეყნდება სამინისტროს ოფიციალურ ფეისბუქის გვერდზე არაუგვიანეს 2024 წლის 28 მარტისა.

კონსულტაციების მიღება შეგეძლებათ სამინისტროს ცხელი ხაზის საშუალებით, ტელ: 032 2022229 ან 599 143 248, სამუშაო საათებში.

„საქართველოს კულტურის, სპორტისა და ახალგაზრდობის სამინისტროს მიერ კულტურის სფეროში განსახორციელებელი ღონისძიებების/პროექტების ხელშეწყობის პირობებისა და დაფინანსების წესის შესახებ“ საქართველოს კულტურის, სპორტისა და ახალგაზრდობის მინისტრის 2021 წლის 3 ივნისის N7864 ბრძანება და ფორმულარები იხილეთ შემდეგ ბმულებზე:

დაფინანსების წესი – https://cutt.ly/RwM9pRNu

ფორმულარები – https://cutt.ly/bwM9aEls

საკონკურსო პირობები – https://cutt.ly/7w1gJK6n