“კახა კალაძემ გასულ წელს ვერ აითვისა, ვერ დახარჯა 200 მილიონ ლარზე მეტი’’ – ირაკლი ნადირაძე

თბილისის საკრებულოს ფრაქცია ,,ერთიანი ნაციონალური მოძრაობის“ თავმჯდომარე ირაკლი ნადირაძე განმარტებებს აკეთებს თბილისის ბიუჯეტში კონკრეტულ ცვლილებებთან დაკავშირებით და აცხადებს, რომ ყოველივე ეს საარჩევნო მიზნებისთვისაა განსაზღვრული:

,,შემოვიდა დოკუმენტი, სადაც ჩანს, რომ კახი კალაძემ გასულ წელს ვერ აითვისა, ვერ დახარჯა 200 მილიონ ლარზე მეტი. ეს გააკეთა ერთადერთი მიზნით, რომ აღნიშნული 200 მილიონი გადმოიტანოს მიმდინარე წელს ბიუჯეტის ცვლილებებით წინა საარჩევნოდ, რათა ეს თანხები გამოყენებულ იქნას, როგორც დამატებითი ფინანსური და ადმინისტრაციული რესურსი.

ისევ და ისევ ასევე იზრდება მერიაში დასაქმებულ პირთა რიცხოვნობა. მარტო ტრანსპორტისა და ურბანული განვითარების სააგენტოს ემატება 100 კაცი.

ჯამში მერიის შრომის ანაზღაურება გახდება 130 მილიონი ლარი’’, – განაცხადა ირაკლი ნადირაძემ.

ავტორი
მარიამ ხაჩირაშვილი