ლევან ხაბეიშვილზე სამარცხვინო თავდასხმა არის ბიუჯეტის ქურდების, კრიმინალების ანგარიშსწორება – გიორგი ვაშაძე

291

თბილისის საკრებულოს „ქართული ოცნების” დეპუტატების მხრიდან „ნაციონალური მოძრაობის” წევრ ლევან ხაბეიშვილზე ფიზიკურ თავდასხმას ეხმაურება „ახალი საქართველოს“ თავმჯდომარე გიორგი ვაშაძე, არსებულ ვითარებას კრიმინალურ ანგარიშსწორებას უწოდებს და კახი კალაძეს კორუმპირებულ მერად მოიხსენიებს:

„დღეს მოხდა ლევან ხაბეიშვილზე სამარცხვინო თავდასხმა, რომელიც არის ბიუჯეტის ქურდების, კრიმინალების ანგარიშსწორება იმ ადამიანზე, რომელიც დღე არ გავა, ფაქტები არ გვაჩვენოს, თუ როგორ იპარავენ კალაძე და მისი ქვეშევრდომები ხალხის ფულს, როგორ ძარცვავენ თბილისს, როგორ მდიდრდებიან ისინი და მათი გარემოცვა, საქართველო კი ღარიბდება.

„ქართული ოცნება“ არის დამთავრებული!

ჩვენ არ ავყვებით მათ ძალადობაში!

მივმართავ კახა კალაძეს: კახი, შენი დრო დამთავრებულია, შენ ხარ კორუმპირებული და თუ გგონია, რომ ლევან ხაბეიშვილს და სიმართლისთვის მებრძოლ სხვა ადამიანებს ფიზიკური ანგარიშსწორებით გააჩერებ და შენს კორუმპირებულ საქმეებს არ გამოვავლენთ ძალიან ცდები!” – განაცხადა გიორგი ვაშაძემ.

კომენტარები