“სალომე ზურაბიშვილი გვევლინება, როგორც ერთ-ერთი ყველაზე რადიკალური ოპოზიციონერი, რომელსაც ჯერ-ჯერობით, ფორმალურად აქვს პრეზიდენტის მანტია მოცმული” – მამუკა მდინარაძე

საქართველოს პრეზიდენტის, სალომე ზურაბიშვილის მიერ, მთავრობასთან შეუთანხმებლად, მიუნხენში, უსაფრთხოების კონფერენციაზე დაგეგმილ ვიზიტთან დაკავშირებით მწვავე შეფასებას აკეთებს პარლამენტის ფრაქცია ,,ქართული ოცნების” თავმჯდომარე, მამუკა მდინარაძე და განმარტებებს აკეთებს, თუ რატომ არ მიდის აღნიშნულ ღონისძიებაზე პრემიერ-მინისტრი ირაკლი, კობახიძე:

,,2 პარალელური კამპანიაა. ის [სალომე ზურაბიშვილი] ამ კამპანიაში იღებს მონაწილეობას. ის არის ამ კამპანიაში მთავარი როლის შემსრულებელი, რომელიც ამავდროულად გვევლინება, როგორც ერთ-ერთი ყველაზე რადიკალური ოპოზიციონერი, რომელსაც ჯერ-ჯერობით, ფორმალურად აქვს პრეზიდენტის მანტია მოცმული. აქედან გამომდინარე, ის მორიგ ჯერზე არღვევს კონსტიტუციას და თან რადიკალიზმს აღვივებს.

პარალელურად იწევა კამპანია, – რატომ არ მიდის პრემიერი მიუნხენის კონფერენციაზე? იმიტომ, რომ მისი პოლიტიკური განაცხადი იყო, ხაზს ვუსვამ, მისი პოლიტიკური განაცხადი იყო, საქართველოს პრემიერ-მინისტრის, ირაკლი კობახიძის, რომ მისი პირველი ვიზიტი იქნებოდა ბრიუსელში.

ასეთ კონფერენციებში, მათ შორის მიუნხენის კონფერენციაში მონაწილეობას იღებენ სხვადასხვა ქვეყანის სხვადასხვა წარმომადგენლები. ძალიან ბევრი საგარეო საქმეთა მინისტრი იქნება იქ ისევე, როგორც საქართველოს საგარეო საქმეთა მინისტრი“, – განაცხადა მამუკა მდინარაძემ.

ავტორი
ნინი ხიჯაკაძე