საქართველოს პრემიერ-მინისტრი, ირაკლი კობახიძე ჟურნალისტებთან კომენტარში შეფასებებს და და განმარტებებს აკეთებს პარტია ,,ქართული ოცნების“ დამფუძნებლისა და საპატიო თავმჯდომარის, ბიძინა ივანიშვილის როლზე ქართულ პოლიტიკურ ცხოვრებაში:
,,სტატუსის მიხედვითაც, თქვენ იცით, როგორია ჩვენი საწესდებო ჩანაწერი. ბიძინა ივანიშვილი არის არა მხოლოდ ჩემი, როგორც პარტიის ერთ-ერთი წარმომადგენლის, არამედ ზოგადად, პარტიის მთავარი პოლიტიკური მრჩეველი.
მისი რჩევები არის, რა თქმა უნდა, თითოეული ჩვენგანისთვის, პირადად ჩემთვის, ძალიან მნიშვნელოვანი.
არაერთხელ მითქვამს და კიდევ ერთხელ ვიტყვი, რომ პოლიტიკაში ის არის ნამდვილი გროსმეისტერი. მას შეუძლია წინასწარ გათვალოს 10-15-20 სვლა. ასეთია მისი შესაძლებლობები პოლიტიკაში.
შესაბამისად, რა თქმა უნდა, მისი რჩევები ჩვენთვის არის უკიდურესად მნიშვნელოვანი“, – განაცხადა ირაკლი კობახიძემ.
ავტორი
ნინი ხიჯაკაძე
კომენტარები - დატოვეთ თქვენი მოსაზრება
