სამშაბათი, ივლისი 23, 2024

“სანამ პატრიოტული მოტივით 14-16 წლის ბავშვებს ათრევთ, აგინებთ, წყევლით და დასცინით, კარგად დაფიქრდით, “გარეთ მხდალი, შინ ძლიერი”-ში თქვენ ხომ არ იგულისხმებით, შემთხვევით?…” – გიორგი მარშანია

სოციალურ ქსელში დაწყებულ მსჯელობა-განხილვებს სკოლებში კონკრეტული მასალების, საგნების თუ თემების სწავლებასთან დაკავშირებით და ამ მხრივ გამოთქმული მოსაზრებებთან დაკავშირებით, მათ შორის სკოლის მოსწავლეების მხრიდან, ეხმიანება სცენარისტი, რეჟისორი, პროდიუსერი, მულტიპლიკატორი, ანიმაციური სერიალის “ჟირაფი ჟოზეს” შემქმნელი, გიორგი მარშანია:

რაც შეეხება იმ ვიდეოს, თინეიჯერი რომ კითხულობს, რად მინდა ისტორიის სწავლა, თუ ციფრული ტექნოლოგიები მაინტერსებსო:

ჯერ ერთი, ჩვენ ყველას უნდა გვესმოდეს, რომ ახალმა თაობამ უნდა დასვას ძალიან ბევრი შეკითხვა და მათ შორის ძალიან კრიტიკული და სრულიად მიუღებელიც, ხანდახან მკრეხელური და ხანდახან სასაცილოც, ხანდახან უაზრო და ხანდახან ჭკვიანურიც.

დიახ, მაგ კითხვებით და კითხვებზე პასუხებით ვითარდება თაობა, ზოგადად…

და შენ/ჩვენ რომ პრეტენზია გაქვს, ყველაფერი იცი და შენ გზაზე უნდა გაიაროს ახალმა თაობამ, კითხვას რომ დაგისვამს, ყანწი კი არ უნდა დრუზო თავში, არამედ 2 რამ უნდა გააკეთო:

1) უნდა გასცე არგუმენტირებული პასუხი, მისთვის გასაგებ ენაზე;
2) დაფიქრდე, რატომ დასვა ეს შეკითხვა:
– იქნებ ძალიან ცუდად ასწავლიან ჰაგიოგრაფიას სკოლებში და ვერ დაინტერსდა ბავშვი?
– იქნებ არავის აუხსნია ნორმალურად ჰაგიოგრაფიის მნიშვნელობა მისთვის და შენ ხარ ის პირველი, ვინც უნდა უპასუხოს?
– იქნებ ახალ თაობას სულ სხვა ფორმით უნდა მივაწოდოთ ჩვენი ქვეყნის ისტორია და აქამდე არსებული ფორმები მოძველდა და აღარ მუშაობს?
“სხვა დროა ახლა, სხვანაირი ფიქრია საჭირო”.
– იქნებ მართლაც აღარ სჭირდება შუშანიკის ცოდნა მაგარ აიტიშნიკს?

და კიდევ:
სანამ პატრიოტული მოტივით 14-16 წლის ბავშვებს ათრევთ, აგინებთ, წყევლით და დასცინით, კარგად დაფიქრდით, “გარეთ მხდალი, შინ ძლიერი“-ში თქვენ ხომ არ იგულისხმებით, შემთხვევით?…” – წერს ფეისბუქის პირად გვერდზე გიორგი მარშანია.

კომენტარები - დატოვეთ თქვენი მოსაზრება

კვირის სხვა თემები

All

პოპულარული დღეს

ბოლო გამოქვეყნებული