,,ერთიანი ნაციონალური მოძრაობის” წევრი, ,,ანტიკორუფციული მოძრაობის” თავმჯდომარე, ვასო ურუშაძე კომენტარს აკეთებს თბილისის მერის, კახა კალაძის მიერ დედაქალაქში განხორციელებულ პროექტებთან დაკავშირებით და მის წინააღმდეგ გამოძიების დაწყებას მოითხოვს:
,,ბოლო ათი წლის განმავლობაში, თბილისში არცერთი ინფრასტრუქტურული პროექტი პრობლემის გარეშე არ განხორციელებულა.
თითქმის ყველა პროექტთან მიმართებაში ჰქონდა არაერთი გადავადება, ჰქონდა პრობლემები და კითხვის ნიშნები შესრულებული სამუშაოს ხარისხთან დაკავშირებით და ასევე არსებობდა კითხვები კორუფციულ ინტერესებთან მიმართებაში.
თითქმის ყველა კომპანია, რომელიც არის ტენდერში გამარჯვებული, არის „ქართული ოცნების“ შემომწირველი და მჭიდროდ დაახლოებული როგორც კახი კალაძესთან, ასევე სხვა მაღალი თანამდებობის პირებთან, რაც არის საბიუჯეტო სახსრების არამიზნობრივი ხარჯვა, მილიონობით ლარის ფლანგვა, თბილისელების, საქართველოს ბიუჯეტის ფლანგვა, რაც არის კლასიკური გაგებით კორუფცია და ამ ყველაფერზე, გარდა პოლიტიკური პასუხისმგებლობისა, კახი კალაძემ უნდა აგოს სამართლებრივი პასუხი.
კახი კალაძის დღეები არის დათვლილი, აუცილებლად მოუწევს მის კორუფციულ საქმიანობაზე პასუხისმგებლობის აღება და თბილისელების ფულის მოპარვა არავის არ შერჩება,’’ – განაცხადა ვასო ურუშაძემ.
ავტორი
მარიამ ხაჩირაშვილი
