“ივანიშვილს ძალიან არ უყვარს ძალაუფლების გაყოფა. უნდა, რომ სულ ის იყოს სუფრის თავში, სულ ის უკვეთავდეს მუსიკას” – იაგო კაჭკაჭიშვილი

ივანიშვილის პოლიტიკაში კიდევ ერთხელ დაბრუნებას კონკრეტული შეფასება-განმარტებებით ეხმაურება სოციოლოგიის დოქტორი იაგო კაჭკაჭიშვილი:

“მე უფრო მარტივად მგონია საქმე: ივანიშვილს ძალიან არ უყვარს ძალაუფლების გაყოფა. უნდა, რომ სულ ის იყოს სუფრის თავში, სულ ის უკვეთავდეს მუსიკას (მით უფრო, რომ ფულს იხდის).

მაჟორიტარები მისთვის ვეღარ იქნება მაშველი რგოლი – სავსებით რეალურია კოალიციური ხელისუფლების მოსვლა 2024 წელს. კოალიცია კი ძალაუფლების გაყოფას ნიშნავს (იმ შემთხვევაშიც კი, თუ კოალოცია ქ\ოცნების გარშემო შეიქმნება, ესეც ძალაუფლების გაყოფაა).

ივანიშვილს სურს, რომ გაიმრავლოს ამომრჩეველი. ალბათ დარწმუნებულია, რომ მის მიმართ “ჭარბი ნდობით” ამას მიაღწევს და ხელისუფლებაში ერთპიროვნულად დარჩება.

მაგრამ საკითხავი სწორედ ეს არის: რამდენია გადაუწყვეტელ ამომრჩევლებში ისეთები, რომლებსაც ივანიშვილის დაბრუნება ქ/ოცნებისკენ იმ მასშტაბით მოაბრუნებს, რომ პარტია უმრავლესობაში დარჩეს?

ამაზე ზუსტი პასუხის გაცემა ახლა რთულია, მაგრამ მალე გაირკვევა!” – წერს ფეისბუქის პირად გვერდზე იაგო კაჭკაჭიშვილი.