პარლამენტის აგრარულ საკითხთა კომიტეტის თავმჯდომარე, ნინო წილოსანი პოლიტიკურ შეფასებას აკეთებს პარტია ,,ლელოსა” და ,,ნაციონალური მოძრაობის” ყოფილი თავმჯდომარის, ნიკა მელიას შესაძლო გაერთიანების საკითხთან დაკავშირებით:
,,რაც უფრო ახლოვდება 2024 წლის არჩევნები, დავინახავთ, როგორ აიზილებიან ერთმანეთში პოლიტიკური პარტიები.
პრინციპში, ,,ლელოს” და ნიკა მელიას გაერთიანება არავის არ გაუკვირდება. იმიტომ, რომ მაშინაც კი, როცა ნიკა მელია ,,ნაციონალური მოძრაობის” თავმჯდომარე იყო, ძალიან მკაფიოდ გამოხატული სიმპათიები ჰქონდა ,,ლელოს”. თუმცა, ამ ყველაფრის მიუხედავად, ბატონი მამუკა ხაზარაძე უარყოფდა რაიმე კავშირს ,,ნაციონალურ მოძრაობასთან”.
ეს კიდევ ერთხელ ადასტურებს, რომ მათ შორის არ არსებობს არც წითელი ხაზები, არც რაღაც ღირებულებებსა და პრინციპებს შორის სხვაობა, მათთვის ერთადერთი მნიშვნელოვანი არის პოლიტიკური მიზნები“, – განაცხადა ნინო წილოსანმა.
ავტორი
ნინი ხიჯაკაძე
