„ჩვენ ამ დოკუმენტით ვერ ვხედავთ ნებას, რომ მეორე მხარეს ევროკავშირში გაწევრიანება უნდა, მსჯელობა გვექნება და ჩვენს პოზიციას შემდგომ დავაფიქსირებთ“, – ამის შესახებ „სტრატეგია აღმაშენებლის“ თავმჯდომარემ, გიორგი ვაშაძემ ევრორეკომენდაციების სამუშაო ჯგუფებში ჩართვასთან დაკავშირებით განაცხადა.
ოპოზიციონერი ლიდერი ხელისუფლების სურვილს, საქართველოს ევროკავშირის წევრობასთან დაკავშირებით, ვერ ხედავს:
„ჩვენ ამ დოკუმენტით ვერ ვხედავთ ნებას, რომ „ქართულ ოცნებას“ ევროკავშირში გაწევრიანება უნდა. მსჯელობა გვექნება და ჩვენს პოზიციას შემდგომ დავაფიქსირებთ. მთავარი სამწუხარო ფაქტი ის არის, რომ „ქართული ოცნება“ ევროინტეგრაციის საბოტაჟს აგრძელებს, მათ არ უნდათ ევროკავშირი და ეს უშინაარსო დოკუმენტიც სწორედ ამაზე მიუთითებს“, – განაცხადა გიორგი ვაშაძემ.
ინფორმაციას ავრცელებს პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური
