ქართველი პოეტი, პროზაიკოსი, ესეისტი, ლექტორი, ტელეწამყვანი, საქართველოს პარლამენტის ეროვნული ბიბლიოთეკის გენერალური დირექტორი, გიორგი კეკელიძე სახალისო ისტორიას იხსენებს:
“ერთხელ გაკვეთილს ვატარებდი პატარებთან. სიტყვამ მოიტანა და ლეგენდა გავიხსენეთ სოლომონ ბრძენის, რომელსაც თითქოს ბეჭედზე ეწერა ასე: “ესეც გაივლის” – რთულ დროს რომ დახედავდა ხოლმე ბეჭედს და ხან კარგ დროსაც.
უფრო უკეთ რომ გითხრათ, მანამდე ვისაუბრეთ ამ ამბავზე და რადგან სიტყვამ მოიტანა, ვიკითხე, აბა, ვის გახსოვთ მეთქი. მეო! – იყვირა ერთმა გურულმა გოგონამ, ძალიან ნიჭიერმა და ძალიან ცელქმა.
შევატყვე, ზუსტად არ ახსოვდა, მაგრამ მაინც ,,არ დავინდე”. ცოტა შეყოყმანდა და მიპასუხა: ,,რა ეწერა და ქორწილამდე მოგირჩებაო!” – იხსენებს ფეისბუქის საკუთარ გვერდზე, გიორგი კეკელიძე.
