„ხალხის ძალას“ ამ პროცესში არანაირი როლი არ აქვს. უფრო მეტიც, შემიძლია ვთქვა, რომ სწორედ ეს არის ევროკავშირის წარმატება, რომ ხალხი, რომელიც ეწინააღმდეგებოდა ევროკავშირის იდეას, ისინიც იბრალებენ, რომ მათ მოიპოვეს სტატუსი“, – ასე გამოეხმაურა „სტრატეგია აღმაშენებლის“ გენერალური მდივანი, პაატა მანჯგალაძე „ხალხის ძალის“ განცხადებას, რომ თითქოს კანდიდატის სტატუსი მათი დამსახურებაა.
როგორც ოპოზიციონერი ლიდერი აღნიშნავს, კანდიდატის სტატუსი სწორედ ქართველი ხალხის დამსახურებაა. მისივე თქმით, „ხალხის ძალა“ არ არსებობს და ისინი „ოცნების“ ინტერესების გამტარებლები არიან:
„უპირველეს ყოვლისა, არანაირი „ხალხის ძალა“ არ არსებობს, ხალხის ძალას ჩვენ ვხედავთ აქ, როდესაც რაიონებში ვხვდებით ადამიანებს და მათ ზუსტად იციან, რომ კანდიდატის სტატუსთან არანაირ კავშირში არ არის „ქართული ოცნება“. კანდიდატის სტატუსი მიიღო ამ ხალხმა, ვისაც ჩვენ ვხვდებით და ვნახავთ, რომ არჩევნებში გამარჯვების შემდეგ, ჩვენ შევასრულებთ 9 პირობას და ზუსტად 3-4 თვეში საქართველო დაიწყებს დაჩქარებული წესით მოლაპარაკებას ევროკავშირში გაწევრიანებაზე.
“ხალხის ძალას“ ამ პროცესში არანაირი როლი არ აქვს. უფრო მეტიც, შემიძლია ვთქვა, რომ სწორედ ეს არის ევროკავშირის წარმატება, რომ ხალხი, რომელიც ეწინააღმდეგებოდა ევროკავშირის იდეას, ისინიც იბრალებენ, რომ მათ მოიპოვეს სტატუსი. ცნობილი პრინციპია, რომ რის წინააღმდეგაც იბრძვი, ის უნდა დაგაბრალონ.
„ქართული ოცნება“ და „ხალხის ძალა“ ევროპაში ინტეგრაციას ხელს უშლის, ხოლო ჩვენ მოწოდებული ვართ, რომ საქართველომ მშვიდობა და უსაფრთხოება ევროკავშირითა და ევროპით მიიღოს, ვინაიდან ევროკავშირის გარეშე მშვიდობა არ არსებობს“, – განაცხადა პაატა მანჯგალაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
