“გარკვეული უკმარისობის განცდა სამართლებრივად ვალიდურ არგუმენტებთან დაკავშირებით, ცოტა ეს დეფიციტი იგრძნობა ამ ანგარიშში” – მიხეილ სარჯველაძე ვენეციის კომისიის დასკვნაზე

პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე პოლიტიკურ შეფასებას აკეთებს ვენეციის კომისიის დასკვნასთან დაკავშირებით, სადაც განხილულია საარჩევნო რეფორმისა და ანტიკორუფციული სააგენტოს მუშაობის საკითხი:

,,პირველს რაც შეეხება, საარჩევნო კანონმდებლობასთან დაკავშირებით რეკომენდაციებს – ალბათ, მოგვიწევს კიდევ გარკვეული ინფორმაციის დაზუსტება, მოსაზრებების გარკვევა, თუ რამ განაპირობა, ამ შემთხვევაში, მათი ამ დამოკიდებულისა თუ პოზიციის ჩამოყალიბება. იმიტომ, რომ სიმართლე გითხრათ, როდესაც მე გავეცანი, გარკვეული უკმარისობის განცდა სამართლებრივად ვალიდურ არგუმენტებთან დაკავშირებით, ცოტა ეს დეფიციტი იგრძნობა ამ ანგარიშში.

რაც შეეხება საკითხს ანტიკორუფციული სააგენტოს დამოუკიდებლობის ირგვლივ – ამაზეც არის გამოთქმული გარკვეული მოსაზრებები, სკეპტიკური დამოკიდებულება იმ კუთხით, რომ არის თუ არა საკმარისი არსებული საკანონმდებლო გარანტიები იმისთვის, რომ სრულად დამოუკიდებელი იყოს ანტიკორუფციული სააგენტო.
არსებული საკანონმდებლო ნორმები იძლევა რეალურად საფუძველს, ვთქვათ, რომ სრულად დამოკიდებულია“, – განაცხადა მიხეილ სარჯველაძემ.

ავტორი
ნინი ხიჯაკაძე