“ბიძინა ივანიშვილს დასაბრუნებელი არაფერი აქვს იმიტომ, რომ ის არც წასულა პოლიტიკიდან” – ანა ბუჩუკური

საპარლამენტო პოლიტიკური ჯგუფის ,,საქართველოსთვის” წევრი, ანა ბუჩუკური ჟურნალისტებთან კომენტარს აკეთებს ,,ქართული ოცნების” დამფუძნებელ ბიძინა ივანიშვილთან დაკავშირებით, რომელიც საჯარო სივრცეში დიდი ხანია არ ჩანდა და რამაზ ჩხიკვაძის ხსოვნის საღამოზე გამოჩნდა:

,,ბიძინა ივანიშვილს დასაბრუნებელი არაფერი აქვს იმიტომ, რომ ის არც წასულა პოლიტიკიდან, მოდი ასე ვთქვათ. მან უბრალოდ საჯარო პასუხისმგებლობა, საკუთარი ქვეყნისა და ხალხის წინაშე, ვითომ მოიხსნა, მაგრამ რეალურად, ამ პასუხისმგებლობას გაექცა და ბოლო 2 წლის განმავლობაში დაემალა.

ამიტომ სიტყვა დაბრუნება არის არასწორი ტერმინი, ის არსადაც არ წასულა! როცა მას დასჭირდა, უფრო სწორედ, როცა ,,ქართულ ოცნებას’’ გაუჭირდა და შეეშინდა, მაგალითად, მე გაგახსენებთ, როცა გიორგი გახარიამ შექმნა ოპოზიციური პარტია, ბიძინა ივანიშვილმა დაადასტურა საკუთარი საჯარო წერილით, რომ ის პოლიტიკიდან არსადაც არ წასულა’’ , – განაცხადა ანა ბუჩუკურმა.

ავტორი
მარიამ ხაჩირაშვილი