“გამარჯვების კოალიცია” – “ ერთიანი ნაციონალური მოძრაობა” და “სტრატეგია აღმაშენებელი” იმერეთის რაიონულ ორგანიზაციებთან შეხვედრას მართავს.
შეხვედრაზე განხილულ საკითხებს საქართველოს ევროინტეგრაციის პროცესი და 2024 წლის არჩევნები წარმოადგენს. გიორგი ვაშაძის თქმით, “ გამარჯვების კოალიცია” აქტიურ კამპანიას კვლავ განაგრძობს:
“ზემო იმერეთში ვართ, ზესტაფონი, თერჯოლა, ქუთაისი, წყალტუბო – დავდივართ მთელ საქართველოში. საქართველო გახდა ევროკავშირის კანდიდატი ქვეყანა და 1:0 ქართველმა ხალხმა მოუგო “ქართულ ოცნებას”.
ძალიან მნიშვნელოვანია, რომ შევცვალოთ ხელისუფლება არჩევნებით, გავატაროთ სწრაფი რეფორმები და ეს ისტორიული შესაძლებლობა, რომ ევროკავშირის სრულუფლებიანი წევრები გავხდეთ. ეს გამოვა მხოლოდ გაერთიანებით, ერთად დგომით და არა გახლეჩილობის გზით, რომელიც აირჩია “ქართულმა ოცნებამ”.
მათი გზა არის გზა არსაითკენ, ჩვენი გზა არის სწრაფი გზა ევროკავშირისკენ, რომელიც მოიტანს მშვიდობას, კეთილდღეობასა და განვითარებას. ამაზე ვსაუბრობთ ყველა რაიონში, გვექნება ძალიან მძლავრი მუშაობა მთელ საქართველოში.” – განაცხადა გიორგი ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
