“გამარჯვების კოალიციის” – “ერთიანი ნაციონალური მოძრაობისა” და “სტრატეგია აღმაშენებლის” ლიდერები ქვემო ქართლის ორგანიზაციის წევრებს ხვდებიან

მზადება 2024 წლის არჩევნებისთვის – „ერთიანი ნაციონალური მოძრაობისა“ და „სტრატეგია აღმაშენებლის“ თავმჯდომარეები, პარტიების ლიდერებთან ერთად ამ წუთებში ქვემო ქართლის ორგანიზაციის წევრებს ხვდებიან.

გიორგი ვაშაძის თქმით, შეხვედრის მთავარ საკითხებს კანდიდატის სტატუსის შემდგომი ნაბიჯები და 2024 წლიდან კოალიციურ მმართველობაზე გადასვლა წარმოადგენს:

“ქართველი ხალხის მიერ მოპოვებული გამარჯვებით საქართველო ევროკავშირის კანდიდატი ქვეყანაა, მაგრამ მთავარი ამოცანა ახლა არის რეფორმების სწრაფი განვითარება და დაჩქარებული წესით ევროკავშირში გაწევრიანება – სწორედ ამიტომ გვჭირდება არჩევნებში გამარჯვება.

“ქართული ოცნების“ გზა არის გრძელი გზა, რომელიც დამთავრდება არაფრით, ხოლო ჩვენი გზა არის სწრაფი გაწევრიანების გზა, რომელიც ყველა ჩვენი მოქალაქის საკეთილდღეოდ დასრულდება. ამის გარშემო გვექნება საუბარი, თუ როგორ ვაპირებთ იმ კოალიციურ მმართველობაზე გადასვლას, რომელიც დააჩქარებს საქართველოსთვის ევროპული სიკეთეების მოტანას, სადაც ყველა ადამიანისთვის შეიქმნება სამუშაო ადგილები, გვექნება კარგი განათლება, კარგი სოციალური დაცვა და ვიქნებით ევროპული ტიპის მძლავრი, ძლიერი სახელმწიფო რეგიონში.

ვისაუბრებთ, თუ როგორ ვაპირებთ გამარჯვებას ქართველ ხალხთან ერთად“, – განაცხადა გიორგი ვაშაძემ.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს