საფინანსო საბიუჯეტო კომიტეტის თავმჯდომარის მოადგილე, ირაკლი ზარქუა ჟურნალისტებთან მორიგ მწვავე კომენტარს აკეთებს საქართველოს პრეზიდენტის, სალომე ზურაბიშვილის შესაძლო პოლიტიკურ ნაბიჯებთან – მიხეილ სააკაშვილის შეწყალებასთან დაკავშირებით:
,,გადავიდა უპრინციპოებებთან, უთავმოყვარეო ხელმოცარულებთან, რომელთათვისაც სიტყვა სიტყვა არ არის, წინადადება წინადადება არ არის, ღირსება ღირსება არ არის.
დააკვირდით, აბა, გუშინ ვინც შეიკრიბა, დიდი უმრავლესობა – პუფები, ხელმოცარულები, ზოგი ერთმანეთს აგინებდა, სამარცხვინო იყო.
პრეზიდენტიც შემჩნეულია უკვე. დიდი ხანია იხრებოდა ამ მიმართულებით.
კიდევ ერთხელ: ის აირჩია ქართველმა ხალხმა ჩვენი ხელშეწყობით. ჩვენი პოლიტიკა არის, რომ ყველა დამნაშავე უნდა იყოს ციხეში. ნუ გადააბიჯებს, ნუ გამოცდის ქართველი ხალხის რისხვას, მერე ვერ დავიცავთ“, – განაცხადა ირაკლი ზარქუამ.
ავტორი
ნინი ხიჯაკაძე