“მიხეილ სააკაშვილი არის სიმბოლო საქართველოს ევროპული მისწრაფებების ბრძოლის, რუსული გავლენების წინააღმდეგ” – გიორგი ვაშაძე

,,გამარჯვების პლატფორმის” ერთ-ერთი ლიდერი, ,,სტრატეგია აღმაშენებლის” თავმჯდომარე, გიორგი ვაშაძე პოლიტიკურ შეფასებას აკეთებს პრეზიდენტ სალომე ზურაბიშვილის ინტერვიუზე, რომელიც ,,რადიო თავისუფლების” პრაღის ბიუროსთან ჩაწერა და სადაც ისაუბრა საქართველოს მე-3 პრეზიდენტის, მიხეილ სააკაშვილის შეწყალების საკითხთან დაკავშირებით:

,,მიხეილ სააკაშვილის შეწყალება ძალიან მნიშვნელოვანია იმისთვის, რომ უსამართლობიდან სწორ პროცესში გადავიდეთ.

პრეზიდენტს შეწყალების ფუნქცია აქვს იმისთვის, რომ სახელმწიფო და ეროვნული ინტერესებიდან გამომდინარე გამოიყენოს.

მე ვფიქრობ, რომ მიხეილ სააკაშვილის შეწყალება იქნება მისი [სალომე ზურაბიშვილის] მხრიდან ძალიან სწორი ქმედება. დანარჩენი უკვე მასზეა.

მე პირადად, ვფიქრობ, რომ პრეზიდენტმა ეს უფლება-მოსილება მიხეილ სააკაშვილთან მიმართებაში უნდა გამოიყენოს. იმიტომ, რომ მიხეილ სააკაშვილი არის, ამ შემთხვევაში, სიმბოლო საქართველოს ევროპული მისწრაფებების ბრძოლის, რუსული გავლენების წინააღმდეგ“, – განაცხადა გიორგი ვაშაძემ.

ავტორი
ნინი ხიჯაკაძე