პარტია ,,ქართული ოცნების“ თავმჯდომარე, ირაკლი კობახიძე ჟურნალისტებთან პოლიტიკურ შეფასებას აკეთებს, თუ რა ალტერნატივებით შეიძლება განვითარდეს პრეზიდენტ სალომე ზურაბიშვილის პოლიტიკური საქმიანობა 2024 წლის საპარლამენტო არჩევნების პერიოდში:
,,მაღალი ალბათობა არის იმის, რომ პრეზიდენტი გადადგება. რეალურად, გადააყენებენ, როგორც გახარია გადააყენეს თავის დროზე. დიდი ალბათობით, ეს შეიძლება აგვისტოში/სექტემბრეში მოხდეს.
რეალურად, სალომე ზურაბიშვილი 2 რამისთვის შეიძლება დასჭირდეთ: ერთი – ეს არის პრეზიდენტის თანამდებობაში მისი მხრიდან ოპოზიციის არჩევნების შემდგომი კამპანიის მხარდაჭერა გაყალბებასთან დაკავშირებით და ა.შ. ყველამ წინასწარ ვიცით, რაზეც ააგებს საკუთარ კამპანიას არჩევნების შემდეგ ოპოზიცია. ამაში რადიკალურ ოპოზიციას შეიძლება სალომე ზურაბიშვილის მხარდაჭერა დასჭირდეს. ამისთვის ის პრეზიდენტის პოსტზე სჭირდებათ.
თუმცა, შეიძლება განხილულ იქნეს ალტერნატიული სცენარი, როდესაც სალომე ზურაბიშვილი აგვისტოში/სექტემბერში პრეზიდენტის თანამდებობიდან გადადგება იმისათვის, რომ საპარლამენტო არჩევნებში მონაწილეობა მიიღოს.
მე უფრო პრაგმატული სცენარი მგონია იმ ადამიანებისთვის, მისი პრეზიდენტად დატოვება. იმიტომ, რომ დიდი საარჩევნო რესურსი სალომე ზურაბიშვილს არ აქვს. საბოლოო ჯამში, დაველოდოთ მოვლენების განვითარებას. მე მაინც მგონია, უფრო მაღალი ალბათობით, სალომე ზურაბიშვილს პრეზიდენტის თანამდებობიდან გადააყენებენ. ეს მოხდება, ალბათ, აგვისტო/სექტემბერში“, – განაცხადა ირაკლი კობახიძემ.
ავტორი
ნინი ხიჯაკაძე
