“ქართული მართლმსაჯულება სრულად დაცლილია კორუფციისგან” – ნინო ქადაგიძე

საქართველოს იუსტიციის უმაღლესი საბჭოს თავმჯდომარე, უზენაესი სასამართლოს თავმჯდომარე, ნინო ქადაგიძე ჟურნალისტებთან კომენტარს აკეთებს სასამართლოსა და მართლმსაჯულების სისტემასთან დაკავშირებით, მათ შორის, ცალკეულ მოსამართლეთა მიმართ მიღებულ გადაწყვეტილებებზე. იგი ასევე ეხმაურება აშშ-ს მხარის მიერ ქართველი მოსამართლეების დასანქცირების საკითხს:

,,ჩვენ არ გვაქვს არცერთი მტკიცებულება და ვერანაირად ვერ მივიღებთ ვერავისგან, ვისგანაც არ უნდა მომდინარეობდეს, მითითებას იმის თაობაზე, რომ ქართულ მართლმსაჯულებაში არის კორუფცია. ქართული მართლმსაჯულება სრულად დაცლილია კორუფციისგან – ეს არის ყველაზე დიდი მიღწევა ჩვენი ქვეყნის და მართლმსაჯულების სისტემის.

სასამართლოში შემოსვლა არ არის მარტივი. გამომდინარე იქიდან, რომ ძალიან მკაცრად ხდება იმ კვალიფიკაციის შემოწმება და სტანდარტების შესაბამისობის დადგენა, რომელსაც თითოეული მოსამართლე უნდა აკმაყოფილებდეს.

აქედან გამომდინარე, ყველა გასაუბრება ბოლო პერიოდში ჩატარდა ღიად და საჯაროდ. თქვენ თუ დამისახელებთ რომელიმე პირს, რომელიც ამ მოთხოვნებს აკმაყოფილებდა და სასამართლო სისტემაში არ იქნა დაშვებული, მაშინ თქვენი და საზოგადოების წინაშე მოვიხდი ბოდიშს“, – განაცხადა ნინო ქადაგიძემ.

ავტორი
ნინი ხიჯაკაძე