საპარლამენტო პოლიტიკური ჯგუფის ,,ხალხის ძალა”-ს წევრი გურამ მაჭარაშვილი ჟურნალისტებთან კომენტარს აკეთებს, ჩრდილოეთ მაკედონიის დედაქალაქ სკოპიეში, ეუთოს სამიტზე, საქართველოს საგარეო საქმეთა მინისტრის, ილია დარჩიაშვილის დასწრებასთან დაკავშირებით:
,,დაძველდა, დაძველდა ეს მეთოდები, რომ იქ რუსი და ასე ვთქვათ, რუსეთის ხელისუფლების წარმომადგენელი, სადმე თუ ჩადის იქ შენ რაღაცნაირად არ გაეკარო, მიუხედავად იმისა, რომ საერთაშორისო ინსტიტუტია იწვევს მას.
აქედან გამომდინარეობს ზუსტად ის, რომ ჩვენ არა მხოლოდ ვამბობთ, რომ რა თქმა უნდა ოკუპანტია სამწუხაროდ რუსეთი, არამედ თითქმის ოთხასამდე რეზოლუციაში გვაქვს მონაწილეობა მიღებული, სადაც ეს არის დაფიქსირებული და მათ შორის საერთაშორისო სასამართლოში გვაქვს მოგებული პროცესები რუსეთის საწინააღმდეგოდ.
ამიტომ ეს ზედმეტი სპეკულაციები ნამდვილად არ ერგება ამ შემთხვევაში ოპოზიციის პოზიტივს“, – განაცხადა გურამ მაჭარაშვილმა.
ინფორმაციისთვის: აღნიშნულ სამიტს, რომელსაც რუსეთის საგარეო საქმე მინისტრი, სერგეი ლავროვიც დაესწრება, ბოიკოტს უცხადებენ უკრაინა, ლიეტუვა, ლატვია და ესტონეთი.
ავტორი
მარიამ ხაჩირაშვილი
