,,ქართული ოცნება – დემოკრატიული საქართველოს“ თავმჯდომარე, ირაკლი კობახიძე ჟურნალისტებთან კომენტარს აკეთებს პარტია ,,ნაციონალურ მოძრაობაში” მიმდინარე შიდაპოლიტიკურ პროცესებთან დაკავშირებით:
,,დაუჭამიათ ერთმანეთი – არვიცი, სხვა რა კომენტარი უნდა გაკეთდეს?! მართლა, ძალიან კარგი, პოპკორნით საყურებელია ეს, რაც ხდება.
კიდევ უფრო მეტად სუსტდება პარტია – შიდა დაპირისპირება, შიდა კინკლაობა მიმდინარეობს.
თვითონ ვერ გაერკვნენ, რა ხდება საკუთარ პარტიაში. ეს არის ის პროცესები, რომლებიც ,,ნაც. მოძრაობის“ შიგნით არ იმართება.
კიდევ ერთხელ გავიმეორებ, რომ ეს პროცესები, რაც უფრო დიდხანს გაგრძელდება, მით უკეთესი. ბუნებრივია, ნაც. მოძრაობას დალაგება ძალიან გაუჭირდება. გამომდინარე იქიდან, რომ მათ ამ აშლილობას აქვს ბევრი და კომპლექსური მიზეზი“, – განაცხადა ირაკლი კობახიძემ.
ავტორი
მარიამ ხაჩირაშვილი
