ახალი წელი თავიდანვე მრავალფეროვანი შეფასებების ობიექტი ხდება და კონკრეტულ წელთან დაკავშირებით არაერთი თავისებურება, საინტერესო მომენტი საყურადღებო ანონსები გახმოვანდება. ასეა 2020 წელთან მიმართებაში.
მივყვეთ თანმიმდევრობით:
- 2020 წელი ნაკიანია, ანუ ეს წელი ჩვეული 365 დღის ნაცვლად 366 დღისგან შედგება. აქვე საყურადღებოა ის რეალობაც, რომ წელს 29 თებერვალს დაბადებული ბავშვი, მომდევნო “რეალურ” დაბადების დღეს/რიცხვს 4 წელი უნდა ელოდოს, ამაგიეროდ გაიხარებენ ისინი, ვინც 4 წლის ან უფრო ადრე დაიბადნენ 29 თებერვალს 🙂
- წლევანდელი წელი ასევე საყურადღებოა არითმეტიკული თვალსაზრისითაც – წლის პირველი ორი ციფრი მეორდება. ის, რაც 1010 წლის წინ დაიწყო, წელს გაორმაგდა, გასამმაგდება 3030 წელს და ა.შ. რა პერიოდშიც, ამ ტიპის, არაერთი საინტერესო წელია – 1313, 1717, 1919 თუ სხვა. თუმცა ყველაზე ლამაზი წლები მაინც 1111 და 2222 წლები გამოდის 9999 წლამდე, შემდეგ კი საინტერესო სიმეტრიებია მოსალოდნელი, ისეთები როგორიც, მაგალითად, 10101 (23032, 17271 და ა.შ.) თუმცა უკვე ეს სხვა თაობების “საფიქრალია” 🙂
- აღმოსავლური ჰოროსკოპის მიხედვით 2020 წელი ვირთხის წელია. თეთრი მეტალის (ლითონის) ვირთხის ვირთხის წელი 25 იანვრიდან დაიწყება.
- აღდგომის ბრწყინვალე დღესასწაული წელს 19 აპრილს იქნება.
- 2020 წელს არ იქნება მსოფლიოს ჩემპიონატი ფეხბურთში, თუმცა ფანები ნუ ინაღვლებენ და დაკმაყოფილდნენ ევროპის ჩემპიონატით 🙂
- 2020 წლის ოქტომბერში დაგეგმილია ხანგრძლივი ტურისტული მოგზაურობა კოსმოსში, ოღონდ ახლავე ნუ ჩადგებით რიგში 😉
- 2020 წლის ბოლოსთვის “ავატარი 2”-ის ეკრანებზე გამოსვლას აანონსებენ.
- 2020 წელს მოსალოდნელია მზის 2 და მთვარის 4 დაბნელება. 10 იანვარი, 5 ივნისი, 5 ივლისი და 30 ნოემბერი მთვარის დაბნელების დღეებია, ხოლო 21 ივნისი (ნაწილობრივი) და 14 დეკემბერი (სრული) მზის დაბნელების დღეები.
- 2020 წელი – საპარლამენტო არჩევნები საქართველოში, საპრეზიდენტო – აშშ-ში.
