“არჩევნების ჩატარება არ არის ვენეციის კომისიის თემა” – ირაკლი კობახიძე

,,ქართული ოცნება” დემოკრატიული საქართველოს თავმჯდომარე ირაკლი კობახიძე ჟურნალისტებთან კომენტარს აკეთებს ვენეციის კომისიის წარმომადგენლებთან გამართულ შეხვედრასთან და განხილულ საკითხებთან დაკავშირებით:

,,მიმოვიხილეთ ზოგადად ის დასკვნა, რომელიც უკვე არის წარმოდგენილი, სასამართლოსთან დაკავშირებით, ვენეციის კომისიის მხრიდან.

როგორც მოგეხსენებათ, სადაც საქმე ეხება, სამართლებრივ პრინციპებს, იქ ყველა რეკომენდაციას ვითვალისწინებთ, სადაც საქმე ეხება მიზანშეწონილობის საკითხებს, იქ უმეტეს შემთხვევაში ხდება რეკომენდაციების გათვალისწინება, თუმცა არის საკითხები, სადაც რეკომენდაციებს არ მივყვებით და აქ ჩვენი პოზიცია განვუმარტეთ ვენეციის კომისიის წარმომადგენლებს.

არჩევნების ჩატარება არ არის ვენეციის კომისიის თემა, რა თქმა უნდა, ამ საკითხზე არ გვიმსჯელია ვენეციის კომისიის წარმომადგენლებთან. ვენეციის კომისიას აინტერესებს კანონმდებლობა, რომელიც უკავშირდება არჩევნებს და სწორედ ამ თემაზე გვქონდა საუბარი.

დღეს, როგორც მოგეხსენებათ განიხილება ერთადერთი საკითხი საარჩევნო კოდექსთან მიმართებით. ეს არის ცესკოს დაკომპლექტება და ამასთან დაკავშირებით წარვუდგინეთ ჩვენი პოზიცია ვენეციის კომისიის წარმომადგენლებს“,- განაცხადა ირაკლი კობახიძემ.

ავტორი
მარიამ ხაჩირაშვილი