,,პარლამენტის ფრაქცია ,,ქართული ოცნების“ თავმჯდომარე, მამუკა მდინარაძე ჟურნალისტებთან კომენტარს აკეთებს ოპოზიციის ინიციატივაზე, სადაც მოითხოვენ, რომ ოთხოზორია-ტატუნაშვილის სიას თამაზ გინტურის მკვლელების მონაცემების დაემატოს:
,,ჩვენ ვართ თანასპონსორები ჰააგის სასამართლოში რუსული საოკუპაციო რეჟიმის გასამართლების და ახლა ყოველდღე იმიტომ, რომ მოგაწონოთ თავი, უნდა გამოვიდეთ და რაღაცა რეზოლუციები ვაინიციროთ?!
,,ნაცმოძრაობის“ რაღაცა გაჭრილ გზაზე, რომელიც მხოლოდ პოპულიზმით არის გაჟღენთილი, არ ვაპირებთ სიარულს.
ჩვენ რეალურ ქმედებებს ვაპირებთ. ისეთი, როგორიც არის ჰააგაში პროცესის მოგება, რომელიც მოვახერხეთ, მათ მიერ გადამალული მტკიცებულებების მიუხედავად. სტრასბურგში მოგება მოვახერხებთ, ასევე მათ მიერ გადამალული მტკიცებულებების მიუხედავად.
ეს, რასაც ისინი აკეთებენ არის სხვა მიზნებზე გათვლილი. ამ სხვა მიზანში ვერ შევუერთდებით, ძალიან დიდი ბოდიში“, – განაცხადა მამუკა მდინარაძემ.
ავტორი
ნინი ხიჯაკაძე
