პარლამენტის პირველი ვიცე-სპიკერი, გიორგი ვოლსკი პოლიტიკურ შეფასებას აკეთებს ოპოზიციის გეგმებსა და ქმედებებზე, მას შემდეგ, რაც ევროკომისიამ საქართველოსთვის კანდიდატი ქვეყნის სტატუსის მინიჭებაზე დადებითი რეკომენდაცია გასცა:
,,არა მგონია იმ ისტერიკიდან გამოვიდნენ, რომელიც დაემართათ მას მერე, რაც საქართველომ სტატუსი მიიღო. დღეს, მთელი ძალები, პროპაგანდა მიმართულია იმისკენ, რომ ,,ხალხმა მიიღო“, ,,მთავრობას არ ეკუთვნოდა“ და ა.შ. მაშინ, როდესაც ხალხის არჩეულია მთავრობაც და ის ამოცანები, რაც ხალხმა დაუსახა, რა პროგრამაც მთავრობამ ხალხს შესთავაზა, – სრულდება. ძალიან პრიმიტიული ფორმულაა.
აქედან გამომდინარე, მე ვფიქრობ, იმდენად უსუსურია ეს სიბრაზე და აღშფოთება, რომ ძალიან კარგად ხედავს ჩვენი მოსახლეობაც. საერთაშორისო დონეზეც უნდათ გაიტანონ რაღაც გაურკვეველი ფორმულები, რომელიც ასევე, დამაზიანებელია. თუმცა, იქაც ყველაფერი გარკვეულია“, – განაცხადა გიორგი ვოლსკიმ.
ავტორი
ნინი ხიჯაკაძე
