რუსი სამხედროების მიერ გატაცებული საქართველოს მოქალაქე და თამაზ გინტურის მკვლელობის მოწმე, ლევან დოთიაშვილი თავისუფალია.
სოფელ კირბალში დაბრუნების შემდეგ, ლევან დოთიაშვილმა ჟურნალისტებთან პირველი კომენტარი გააკეთა, სადაც მომხდარი ტრაგედიის დეტალებზე ისაუბრა:
,,ჩვენსა და მესაზღვრეს შორის არანაირი კონფლიქტი არ ყოფილა. ეკლესიიდან გამოვედი, პირველი გამაფრთხილებელი გაისროლა. მე ვუთხარი რუსულად – ,,არ გინდა სროლა, დავილაპარაკოთთქო“, – ვსიო დაწყნარდა.
ერთმა ადამიანმა დაგვიწყო სროლა. სხვა იქ არავინ ყოფილა. ,,ჩვენ წავალთო, მივდივართო, კაცო“. თან რაციაზეც ლაპარაკობდა, რას ლაპარაკობდა რუსულად, არ ვიცი.
ჩემი აზრით, ერთადერთი აზრი დავსვი, ერთი რომ იყო 2 კაცთან, წინააღმდეგობის გაწევა არ დაგვეწყო, მერე რაციაში გადასცეს ,,დააკავეთო“ და სროლა აგვიტეხა.
დაქოქილი გვყავდა მანქანა, დავიძარით. პირველი სროლები წამოვიდა საბურავებში, მერე კიდევ გამიზნული ცეცხლი. სროლის შემდეგ თამაზი ჩამოვიყვანე და დავრეკე სასწრაფოში.
[ჟურნალისტის შეკითხვა] მანქანიდან გადმოიყვანე?
მე თვითონ გადმოვიყვანე მანქანიდან.
[ჟურნალისტის შეკითხვა] რა გითხრათ თამაზმა, რისი თქმა მოასწრო?
აღარაფერი. დამჭრაო… ერთი წელზე მოიკიდა ხელი და ვსიო, ეგ იყო.
[ჟურნალისტის შეკითხვა] რამდენი ჭრილობა ჰქონდა?
2 ჭრილობა ჰქონდა მიყენებული.
[ჟურნალისტის შეკითხვა] სად ჰქონდა მოხვედრილი?
ზურგის, ხერხემლის არეში.
სასწრაფოში დარეკვის მერე დამაკავეს და წამიყვანეს. იმის მერე რა მოხდა, აღარ ვიცი. ყველას რომ გავაგებინე, იმის მერე 7 მოვიდა და წამიყვანეს.
[გინტურის მკვლელი] დავინახე ვინაა, მაგრამ ცნობით ვერ ამოვიცნობ.
იყო შეურაცხყოფაც, დარტყმაც. ზოგი კონდახით, ზოგი ხელით… მაგას ნამდვილად ვეღარ ვიგებდი უკვე“, – განაცხადა ლევან დოთიაშვილმა