“ჩვენ შევადგინეთ რეზოლუცია, რომელსაც მხარს უჭერს მთელი ოპოზიციური სპექტრი” – თინათინ ბოკუჩავა

პარლამენტის ფრაქციის ,,ერთიანი ნაციონალური მოძრაობა – ძალა ერთობაშიას” თავმჯდომარე თინათინ ბოკუჩავა ჟურნალისტებთან კომენტარს აკეთებს ოთხოზორია-ტატუნაშვილის სიასთან დაკავშირებით, სადაც, თამაზ გინტურის მკვლელების მონაცემების დამატების მიზნით, პარლამენტის შესაბამისი რეზოლუცია მომზადდა:

,,ჩვენ შევადგინეთ რეზოლუცია, რომელსაც მხარს უჭერს მთელი ოპოზიციური სპექტრი, სწორედ იმისთვის, რომ საქართველოს უმაღლეს საკანონმდებლო ორგანოს ჰქონდეს ჯეროვანი რეაგირება რუსეთის საოკუპაციო ძალების მხრიდან ამ ჩადენილი დანაშაულზე.

მოვუწოდებთ მთავრობას, რომ ოთხოზორია-ტატუნაშვილი სიაში დაუყოვნებლივ შეიყვანოს [თამაზ გინტურის მკვლელი] დამნაშავეების სახელები და აამოქმედოს ოთხოზორია ტატუნაშვილის სია, რომელიც საქართველოს პარლამენტმა მიიღო 2018 წელს. მაგრამ, სამწუხაროდ, დღევანდელი ხელისუფლება, მას არ იყენებს მათ შორის არც საერთაშორისო ასპარეზზე იმისთვის, რომ მოხდეს დამნაშავეების დასჯა“, – განაცხადა თინათინ ბოკუჩავამ.

ავტორი
მარიამ ხაჩირაშვილი