“საქართველოს კანდიდატის სტატუსი მიენიჭოს მას შემდეგ, რაც მოხდება ოლიგარქ ივანიშვილის სრული დასანქცირება და ის ჩააბარებს უკანონოდ მიტაცებულ ძალაუფლებას” – შალვა ნათელაშვილის მიმართვა ევროკავშირის ლიდერებისადმი

საქართველოს ,,ლეიბორიტული” პარტიის თავმჯდომარე, შალვა ნათელაშვილი საფანგებო ბრიფინგზე განცხადებას აკეთებს, უნდა მიენიჭოს თუ არა საქართველოს ევროკავშირის კანდიდატი ქვეყნის სტატუსი არსებული ხელისუფლების პირობებში:

,,ევროკავშირის კანდიდატობასთან დაკავშირებით მინდა მოგახსენოთ ,,საქართველოს ლეიბორისტული პარტიის” პოზიცია.

ჩვენი ქვეყანა, როგორც სახელმწიფო, ამ წუთისათვის მიტაცებული და პრივატიზირებულია რუსეთის პრეზიდენტ, ვლადიმერ პუტინისა და მისი წარმომადგენელი ოლიგარქის მიერ, ხოლო ევროკავშირის კანდიდატობა სტატუტარულად და საერთაშორისო სამართლით, ენიჭება სახელმწიფოს და არა ხალხს, ვინც იქ ცხოვრობს, რომელიც, რა თქმა უნდა, ღირსია ყველა სიკეთის, ჩვენს შემთხვევაში.

შექმნილ ვითარებაში, საქართველოს ხელისუფლებისთვის ამ სტატუსის მინიჭება იქნება კრემლის მიმართ განხორციელებული რევერანსი და ივანიშვილისათვის ყველა ცოდვის ჩამოწერა, რაც მან ჩაიდინა ათწლეულების განმავლობაში. აგრეთვე, წაქეზება – უახლოეს ხანში ისევ გააყალბოს არჩევნები და დარჩეს სამუდამო მმართველად.

მოგეხსენებათ, თურქეთი ორმოც წელზე მეტია კანდიდატის სტატუსით არსებობს, მაგრამ ვერ მიიღეს და ვერ შევიდნენ იქ გარკვეული მიზეზების გამო.

დღეს მივმართეთ ევროკავშირის ლიდერებს, რომ საქართველოს კანდიდატის სტატუსი მიენიჭოს მას შემდეგ, რაც მოხდება ოლიგარქ ივანიშვილის სრული დასანქცირება და ის ჩააბარებს უკანონოდ მიტაცებულ ძალაუფლებას. სხვა შემთხვევაში ეს საქართველოს და ევროკავშირ მიუბრუნდება ბუმერანგივით“, – განაცხადა შალვა ნათელაშვილმა.

ავტორი
მარიამ ხაჩირაშვილი