საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს საქართველოს პრეზიდენტის, სალომე ზურაბიშვილის მიერ ,,შეკრებისა და მანიფესტაციის შესახებ” კანონში შეტანილი ცვლილებისთვის ვეტოს დადების თაობაზე:
,,პრეზიდენტს უნდა მოესმინა ჩვენგან იმიტომ, რომ განხილვების დროს მთავარი არგუმენტები ჩვენ ვთქვით. არ შეიძლება სუს-ის ინფორმაციის საფუძველზე, რომ ,,კარავში ვიღაც აპირებს რაღაცის გაკეთებას” – ამის გამო აქციების კარვები დროს აკრძალო.
რატომ? – იმიტომ, რომ შეიძლება ხვალ მოვიდეს ინფორმაცია, რომ ,,ვიღაცა აქციაზე ჩანთით აპირებს რაღაცის შეტანას“, ზეგ ვიღაცამ შეიძლება თქვას, რომ ,,მანქანით ხდება ეს ყველაფერი” და თბილისში მანქანები ავკრძალოთ, ჩანთები ავკრძალოთ?!
[ჟურნალისტის შეკითხვა]: პრეზიდენტმა თქვენი არგუმენტები გაითვალიწინა ვეტოს დროს?
რა თქმა უნდა, ჩვენი არგუმენტიც და საერთაშორისო ზოგადი პრაქტიკაც, რომ – არსად კარავი აკრძალული არ არის, – განაცხადა პაატა მანჯგალაძემ.
ავტორი
მარიამ ხაჩირაშვილი